-
2017 оны 8 сарын 02
Нийслэлийн захирагчийн ажлын албанаас өнөөдөр төрийн өмчийн цэцэрлэгт шинээр элсэх хүүхдийн цахим бүртгэлийн талаар мэдээлэл хийлээ. Өнөөдрийн байдлаар цахим бүртгэлээр 15,745 хүүхэд бүртгүүлээд байгаа аж.
-
2017 оны 8 сарын 02
Авлигатай тэмцэх газар 2017 оны 07 дугаар сарын 16-28-ны өдрүүдэд нийтийн албанд томилогдохоор 387 нэр дэвшигчийн урьдчилсан мэдүүлгийг шинээр хүлээн авсан байна. Өнгөрсөн долоо хоногт 285 мэдүүлгийг хянан шийдвэрлэсэн бөгөөд үүнээс ашиг сонирхлын зөрчил үүсэх нөхцөл байдал тогтоогдоогүй 241, хууль, журамд заасан үндэслэлээр буцаасан 19, нэр дэвшигч нь ажлын байрны тодорхойлолт болон хуульд заасан шаардлага хангаагүй, ашиг сонирхлын зөрчил үүсч болохуйц нөхцөл байдлыг тогтоож 24 нэр дэвшигчийн урьдчилсан мэдүүлгийг анхааруулсан бол тухайн албан үүргийг гүйцэтгэхэд илт ашиг сонирхлын зөрчил үүссэн 1 нэр дэвшигч байгааг тогтоож шийдвэрлэсэн байна. Одоогоор ажиллагаанд 229 нэр дэвшигчийн хувийн ашиг сонирхлын урьдчилсан мэдүүлэг хянагдаж байна.
Монгол Оросын хувь нийлүүлсэн нийгэмлэг Улаанбаатар төмөр замын Зам засварын машинт станцын даргын албан тушаалд томилогдохоор нэр дэвшсэн Н.Лхагвадорж, Нийслэлийн Багануур дүүргийн 125 дугаар сургуулийн захирлын албан тушаалд томилогдохоор нэр дэвшсэн Ж.Бат-Эрдэнэ, Нийслэлийн Багахангай дүүргийн 207 дугаар цэцэрлэгийн эрхлэгчийн албан тушаалд томилогдохоор нэр дэвшсэн Ц.Төгсөө нарын зэрэг 285 иргэний хувийн ашиг сонирхлын урьдчилсан мэдүүлгийг хянан үзээд тухайн албан тушаалд томилоход ашиг сонирхлын зөрчил үүсэх нөхцөл байдал тогтоогдоогүй гэж үзсэн байна.
Өнгөрсөн долоо хоногт хянан шалгасан урьдчилсан мэдүүлгийн дийлэнх хувийг Цагдаагийн ерөнхий газар, Онцгой байдлын ерөнхий газар, Нийслэлийн Баянзүрх дүүргийн Засаг даргын Тамгын газар зэрэг байгууллагаас ирүүлжээ.
-
2017 оны 8 сарын 02
Үертэй гол, мөрний усанд орохгүй, гарам, жимээр явахыг анхааруулж байна
-
2017 оны 8 сарын 02
Өнөөдөр буюу наймдугаар сарын 2-ны лхагва гарагт гурван дүүрэгт цахилгаан хязгаарлана.
-
2017 оны 8 сарын 02
Сэрэмжлүүлэг: Ойрын хоногуудад ихэнх нутгаар дуу цахилгаантай усархаг бороо орно
-
2017 оны 8 сарын 01
Улсын хэмжээнд Архангай, Дархан-Уул, Хөвсгөл, Сэлэнгэ, Завхан, Булган зэрэг нийт зургаан аймгийн хэд хэдэн сумын нутаг дэвсгэрт түймэр ассаар байна. Түймрийг унтраахаар Онцгой байдлын алба хаагчид, орон нутгийн иргэдийн иргэдтэй хамтран ажиллаж байна.
-
2017 оны 8 сарын 01
Нийслэлийн Засаг дарга бөгөөд Улаанбаатар хотын захирагч С.Батболдоор ахлуулсан баг өнөөдөр нийслэлд хийгдэж буй авто замын шинэчлэл, бүтээн байгуулалтын ажлын явцтай танилцлаа. Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч Д.Баярхүү, Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр, нийслэлийн Авто замын хөгжлийн газрын дарга Ж.Тогтохбаяр, нийслэлийн Хөрөнгө оруулалтын газрын дарга Ц.Ариунбаяр, нийслэлийн Газрын албаны орлогч дарга Б.Загдсамбар болон холбогдох албаны хүмүүс дагалдан явав.
Хотын даргаар ахлуулсан баг Хан-Уул дүүргийн 11 дүгээр хороо Зайсан толгойн урдуур Богд уулын арын замтай холбогдох 2.4 км авто замын өргөтгөл шинэчлэлтийн ажлын явцтай танилцлаа. Замын ажлыг Авто замын хөгжлийн газрын захиалгаар “Өргөн говь” ХХК хийж гүйцэтгэж байгаа аж. Зайсан орчмын энэ замд 1957-1960 онд урсгал засвар хийгдэж байснаас хойш нэг ч удаа засвар шинэчлэлт хийгдээгүй аж. “Засвар шинэчлэлт хийснээрээ замын зорчих хэсгийн өргөн 7 метр байсныг 12 метр өргөн, 4 эгнээ болно” гэдгийг нийслэлийн Авто замын хөгжлийн газрын дарга Ж.Тогтохбаяр танилцуулж байлаа. Энэ сарын 17-нд эхэлсэн замын ажлыг ирэх арваннэгдүгээр сарын 1-ний өдөр ашиглалтад бүрэн хүлээлгэж өгөх юм байна.
ХААИС-ын уулзварын өргөтгөл, Богд Жавзандамбын уулзварын өргөтгөл, шинэчлэлтийн ажилтай мөн танилцлаа. ХААИС-ын уулзвар нь зүүн болон баруун талаасаа нэг нэг урсгалаар нэвтэрдэг учир замын түгжрэл энэ хэсэгт ихээр үүсдэг байна. Уулзвар хэсгийн 1251 ам метр талбайг өргөсгөж хоёр талаасаа 5 эгнээтэй болгон шинэчлэж байгаа юм. Замын ажлыг Улаанбаатар зам засвар арчлалтын газар гүйцэтгэж, энэ сарын 15-н гэхэд авто замын зорчих хэсгийг нээхээр төлөвлөн ажиллаж байгаа аж.
Богд Жавзандамбын музейн уулзварын өргөтгөл, шинэчлэлийн ажлыг “Ди Вай Кей Би” ХХК хийж гүйцэтгэж байна. Уг уулзварт өргөтгөл хийснээр 21 метрийн өргөн, зургаан эгнээтэй болох аж. Мөн 1.5-3м өргөнтэй явган хүний зам бий болох юм. Уулзвар хэсгийн 8050 ам метр талбайн өргөтгөлийн ажил өнгөрсөн зургаадугаар сард эхэлж, энэ сарын 15-н гэхэд авто замын зорчих хэсгийг нээхээр төлөвлөсөн байна.
БНХАУ-ын Засгийн газрын хөнгөлөлттэй зээлээр хийгдэж буй Яармагийн шинэ гүүр барих, хуучин гүүрийг засварлах төслийн ажилтай танилцлаа. Төслийн гүйцэтгэгчээр Хятадын төмөр замын 20-р товчоо ажиллаж байна. Туслан гүйцэтгэгчээр Монголын 15 компани ажиллаж байгаа аж. Өнгөрсөн дөрөвдүгээр сард эхэлсэн төсөл ирэх жилийн арваннэгдүгээр сарын эхээр дуусч, гүүрийг ашиглалтад хүлээлгэн өгөх юм. “Энэ жилийн хувьд үндсэн гүүрний ажлыг дуусгах төлөвлөгөөтэй байгаа. Дулааны улиралд гүүрийн дан нуруугаа цутгаж бэлдээд өвөл хучилт хийнэ. Өнөөдрийн байдлаар үндсэн гүүрийн 36 ширхэг гадсан суурьны ажил хийгдсэн. Гүүрийн хамгийн чухал ажил нь тулгуур суурь байдаг. Энэ ажил өндөр хувьтай явж байгаа” хэмээн “ЭС АР ПИ” ХХК-ийн гүүрийн инженер Б.Энхбат ажлын явцаа хотын даргад танилцууллаа.
Өгөөжийн ойролцоох уулзварын өргөтгөл шинэчлэлийн ажилтай танилцсанынхаа дараа хотын дарга С.Батболд “Бид цаг хугацаатай уралдан ажиллах шаардлагатай. Хавар тендерийн ажлаа эрт зарласан. Улаанбаатар хотын хэмжээнд Замын сангийн хөрөнгөөр хийхээр төлөвлөгдсөн бүх замын ажил эхлээд явж байгаа. Наймдугаар сарын 15-наас эхлэн замын хөдөлгөөний ачаалал ихэсдэг. Үүнээс өмнө Улаанбаатар хотын гол зам, уулзваруудын ажлыг дуусгах үүргийг холбогдох албаны хүмүүст өгөөд байсан. Өнөөдөр ажлын явцтай танилцаж байна. Сонгино болон Баянзүрхийн гүүрийн ажил эхлэх шатандаа явж байна. Налайх, Чойрын замыг энэ намартаа эхэлнэ. Газар чөлөөлөлтийн ажлыг хийгээд эхэлсэн байгаа. Нийслэлийн төвд хийгдэх томоохон гүүрэн гарц Замын цагдаагийн газрын уулзварт хийгдэнэ. Ажил эхэлсэн. Тухайн хэсэгт байсан хоёр ШТС, хэд хэдэн бизнесийн байгууллагуудтай тохирч газрыг чөлөөлүүлэхээр болсон. Энэ бүх зам 2018 оны сүүл 2019 оны эхэнд бүрэн ашиглалтад орно. Ингэснээрээ нийслэлийн өнгө үзэмжид сайнаар нөлөөлөхөөс гадна авто замуудын нэвтрэх чадвар эрс сайжрах юм” хэмээлээ.
Нийслэлийн Авто замын хөгжлийн газрын дарга Ж.Тогтохбаяр “Энэ жил нийслэлийн хэмжээнд нийт 42 авто замын төсөл хэрэгжиж байна. Манайхаас хяналт, шалгалтаа хийгээд ажиллаж байгаа. Өнөөдрийн байдлаар ХААИС, Оргил худалдааны төвийн уулзвар, Өгөөжийн уулзвар гэсэн гурван уулзварын өргөтгөл, шинэчлэлтийн ажил хийгдээд явж байна. Авто плазагийн ойролцоо шинээр уулзвартай болж байгаа. Мөн дөрвөн гүүрэн гарцны ажил хийгдэж байна. Сонсголон болон Баянзүрхийн гүүрийн ажлыг энэ намар эхлүүлэхээр ажиллаж байна” хэмээн хийж гүйцэтгэж байгаа ажлын явцын талаар ярилаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 8 сарын 01
Өмнөд Солонгосын Бусан хотын томоохон дэлгүүрүүдээс хувцас хулгайлсан хэргээр хоёр монгол эмэгтэй баривчлагджээ.
-
2017 оны 8 сарын 01
Монгол Улсын хэмжээнд 2017 он гарсаар 07 дугаар сарын байдлаар нийт 2944 удаа аюулт үзэгдэл, осол тохиолдож, үүний улмаас 127 хүн амь насаа алдаж, 46 хүн гэмтэж бэртэн 530,9 мянган толгой мал хорогдож, 11,8 тэрбум төгрөгийн шууд хохирол учирсан байна.
Тохиолдсон аюулт үзэгдэл, ослын тоо, хохирлыг өнгөрсөн оны мөн үетэй харьцуулахад:
Эдгээрийн хор уршгийг арилгахад Онцгой байдлын албаны албан хаагчид болон орон нутгийн иргэд нийт 21450 хүн, 3579 автомашин ажиллаж, 733 хүний амь нас, байгууллага, аж ахуйн нэгж, иргэдийн 13,8 тэрбум төгрөгийн өмч хөрөнгийг авран хамгаалж, гамшигтай тэмцэх, хор уршгийг арилгах ажилд Засгийн газар, Онцгой байдлын алба болон орон нутгаас 8,5 тэрбум төгрөг зарцуулсан байна.
Өнгөрсөн онтой харьцуулахад улсын хэмжээнд аюулт үзэгдэл, осолд өртөж нас барсан хүний тоо 28-аар, гэмтэж бэртсэн хүний тоо 6-аар тус тус нэмэгдсэн үзүүлэлттэй байна.
Мөн аюулт үзэгдэл, осолд нас барсан хүний тоо өнгөрсөн оны мөн үетэй харьцуулахад 20-оор буюу 15,7 хувиар өссөн байгаа нь объектын түймэрт нас барсан хүний тоо 6-аар, усны осолд нас барсан хүний тоо 11-ээр, бичил уурхай, нурангины осолд нас барсан хүний тоо 4-өөр тус тус нэмэгдсэнтэй холбоотой байна.
Өнгөрсөн оны мөн үетэй харьцуулахад аюулт үзэгдэл, ослоос аварсан хүний тоо 258-аар, аварсан эд хөрөнгө 0,6 тэрбум төгрөгөөр тус тус нэмэгдсэн байна.
2017 оны эхний 7 сард ой, хээрийн түймэр өнгөрсөн оны мөн үетэй харьцуулахад 34,9 хувиар, хүчтэй салхи шуурга 65,0 хувиар, шүлхий 92,9 хувиар, аянга 57,1 хувиар, бичил уурхай, нурангины осол 42,9 хувиар тус тус нэмэгдсэн нь нийт аюулт үзэгдэл, ослын тоо 3,4 хувиар өсөхөд нөлөөлсөн байна.
Мөн 2017 оны эхний 7 сард эрэн хайх, аврах ажиллагааны 254, тээврийн хэрэгслийн ослын 67, нийт 321 удаагийн дуудлагаар давхардсан тоогоор Онцгой байдлын албаны 2792 аврагч, 514 автомашин ажиллаж, 796 хүнд анхны тусламж үзүүлэн, 65 хүний амь насыг авран хамгаалаад байна гэж Онцгой байдлын ерөнхий газраас мэдээллээ.
-
2017 оны 8 сарын 01
Монголын боксчид олимпийн өмнөх бэлтгэлээ Шимада хотод хангана
-
2017 оны 8 сарын 01
Зөрчлийн тухай хууль шинээр батлагдан 2017 оны 07 дугаар сарын 01-ний өдөр хэрэгжиж эхэлсэнтэй холбоотойгоор сүүлийн үед цахим хуудсаар Зөрчлийн оноо дууссан, тээврийн хэрэгсэл жолоодох эрх нь хасагдсан иргэдэд өршөөл үзүүлж эрхийг нь сэргээж байна гэсэн ташаа мэдээлэл тархжээ.
Энэ нь ор үндэслэлгүй бөгөөд Зөрчлийн тухай хууль хэрэгжиж эхэлснээр Замын хөдөлгөөний аюулгүй байдлын тухай хуулиар арга хэмжээ тооцуулсан иргэдийн зөрчил хүчингүй болоогүй бөгөөд Хууль зүйн сайдын 2015 оны А/186 дугаар тушаалаар баталсан “Тээврийн хэрэгсэл жолоодох эрх дуусгавар болох, эрх сэргээх журам”-ын дагуу үйл ажиллагаа зохион байгуулагдаж байна гэж ЦЕГ-ын Бүртгэл хяналтын төвөөс мэдээллээ.
-
2017 оны 8 сарын 01
Жимсэнд яваад төөрч амиа алджээ
-
2017 оны 8 сарын 01
Наймдугаар сарын цаг агаарын урьдчилсан мэдээллийг Цаг Уур, Орчны Шинжилгээний Газраас гаргажээ.
-
2017 оны 8 сарын 01
Монголбанкны Ерөнхийлөгчийн 2008 оны 446 дугаар тушаалаар батлагдсан “Ипотекийн зээлийн үйл aжиллагааны журам”-ыг шинэчлэн боловсруулах ажлын хүрээнд өнөөгийн цаг үетэй нийцэхгүй болсон журмын зарим зохицуулалтыг шинэчлэн, журмын хэт нарийвчилсан заалтуудыг өөрчилж, банкуудын орон сууцны ипотекийн зээлийн үйл ажиллагааг зохистой аргачлалаар хангах зорилгоор журмын шинэчилсэн найруулгын төслийг боловсруулав.
-
2017 оны 8 сарын 01
Инфографик: Хүүхдээ яагаад эхийн сүүгээр хооллох ёстой вэ
-
2017 оны 8 сарын 01
Английн Лондон хотод амьдардаг монгол иргэд тус хотод орших МУ-ын Элчин сайдын яамны гадаа өнөөдрөөс эхлэн дахин суулт зарлахаар болжээ.
-
2017 оны 8 сарын 01
Цаг агаарын урьдчилсан мэдээгээр ойрын өдрүүдэд ихэнх нутгаар усархаг #бороо орж, #салхи ширүүсэх төлөвтэй байна. Энэ үеэр бороо орсны улмаас замын гадаргууд #гулгаа үүсэх, салхи ширүүсч замын #үзэгдэх орчин #хязгаарлагдах зэрэг эрсдэлтэй тул эрхэм жолооч, явган зорчигч нарыг анхаарал болгоомжтой замын хөдөлгөөнд оролцохыг онцгойлон зөвлөж байна.
Мөн:
1. Эрхэм жолооч та хурд хэтрүүлэхгүй, согтуугаар тээврийн хэрэгсэл жолоодохгүй байх,
2. Үзэгдэх орчин хязгаарлагдсан үед буцаж эргэх, гүйцэж түрүүлэх, түр зогсох үйлдлийг хийхгүй байх,
3. Харанхуй буюу үзэгдэлт хангалтгүй үед ослын дохионы гэрлийг асааж болзошгүй осол, хэргээс урьдчилан сэргийлэх,
4. Жолооч та бусад замын хөдөлгөөнд оролцогч нараа хүндэтгэн ус, шавхаа цацахгүй байх,
5. Явган зорчигч та замын хөдөлгөөний дүрэмд зааснаар явган хүний гарц, гарамтай хэсгээр зам хөндлөн гарах, тээврийн хэрэгслийн урдуур гэнэт гүйхгүй байх зэргээр зам тээврийн осол, хэргээс урьдчилан сэргийлж, хөдөлгөөний аюулгүй байдлыг ханган замын хөдөлгөөнд оролцоно уу.
-
2017 оны 8 сарын 01
Гаалийн хууль тогтоомж зөрчсөний улмаас хураагдаж, улсын орлого болсон автомашины нээлттэй дуудлага худалдааг Гаалийн Ерөнхий Газраас зохион байгуулах гэж байна.
-
2017 оны 8 сарын 01
Өчигдөр буюу 2017 оны 7-р сарын 31-ний Даваа гарагт Замын цагдаагийн албаны ЖШУХ нийт 311 дуудлага, мэдээ мэдээлэл хүлээн авснаас, зам тээврийн ослын 193 дуудлагыг шалшаж шийдвэрлэсэн байна.
Осол, хэргийн улмаас 1 хүний амь нас хохирч, 7 хүн хүнд, хөнгөн байдлаар гэмтсэж бэртэн ГССҮТ-д эмчлүүлж байна. Бүртгэгдсэн осол, хэргийг хэлбэрээр нь авч үзвэл явган зорчигч мөргөж гэмтээсэн 5, мөргөлдөх хэлбэрээр 7, онхолдох хэлбэрээр 1, үл хөдлөх зүйл мөргөсөн 1 осол тус тус бүртгэдсэнийг ЗЦА шалгаж байна.
Мөн гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 48 жолоочийг илрүүлэн саатуулж, хуулийн дагуу хариуцлага тооцон ажиллаа.
Тухайлбал:
1. ЧД-ийн нутаг Улаанбаатар их дэлгүүрийн хойдп замд N.Sunny маркийн автомашины жолооч Б нь явган зорчигч 32 настай Б-г мөргөж амь насыг нь хохироосон.
Орон нутагт:
1. Говь-Алтай аймгийн “Өвдөгийн худаг” гэх газар шороон замд T.Prius маркийн автомашин онхолдож, зорхчигч 3 настай Д-н амь нас хохирсон хэргийг Говь-Алтай аймгийн Цагдаагийн газарт шалгаж байна.
-
2017 оны 8 сарын 01
Сонгинохайрхан дүүргийн нутаг дэвсгэрт, Орбитын уулзвараас Толгойтын эцэс хүртэлх 3,6 км автозамын өргөтгөл, шинэчлэлтийн ажлын хүрээнд 2017 оны 07 дугаар сарын 31-ний 23:00 цагаас 2017 оны 08 дугаар сарын 10-ны 23:00 цаг хүртэл 21-р хорооллын уулзвараас Далангийн замын уулзвар хүртэл Чингис Соосэ сургуулийн урдуурх автозамыг хэсэгчилэн түр хааж автозамын хучилтын ажил хийгдэхээр болсон.
Дээрх ажилтай холбогдуулж тус замаар дайран өнгөрдөг нийтийн тээврийн үйлчилгээний 6 чиглэлийн замналд түр өөрчлөлт оруулахаар төлөвлөөд байна. Үүнд:
- Ч:6 “Толгойт-Нарны зам-Ботаник”, Ч:44 “Нарангийн гол-ТЭЦ3-Дүнжингарав худалдааны төв”, Ч:46 “Улаанчулуут-Их наран-Вокзал”, Ч:57 “Улаанчулуут-Их наран-МУИС” чиглэлүүд Далангийн замаар явж үндсэн замналдаа орох
- Ч:16 “Баруун салаа-Далангийн зам-10-р хороолол” чиглэл Үйлдвэрчний эвлэлийн гудамжаар явж үндсэн замналдаа орох
- Ч:22 “Шадивлан-Бөмбөгөр-Чингис Соосэ-Далангийн зам” чиглэл Үйлдвэрчний эвлэлийн гудамжаар явж Ханын материалын эцэс дээр буцаж эргэхээр тус төлөвлөлт хийгээд байна.
