Украины эрх баригчид Оросоос авдаг байгалийн хийгээ маргаашнаас зогсоох болсноо албан ёсоор мэдэгдлээ. Энэ тухай тус улсын Эрчим хүчний сайд Владмир Демшишин мэдэгдсэн байна. Тэрээр “Оросоос худалдан авдаг байгалийн хий манай орны дотоодын хэрэгцээнд чухал байр суурь эзэлдэг ч хэт өндөр үнэтэй байгаа нь импортыг зогсоох шалтгаан болж байна” хэмээн ярьжээ.
Өнгөрсөн долоо хоногт Украины Сангийн сайд “Бид Оросоос авдаг байгалийн хийгээ 1000 куб метр тутамд 50 ам.доллараар хямд үнээр Европын холбооноос авах боломжтой” гэсэн юм.
Үүний хариуд ОХУ-ын Эрчим хүчний сайд Александр Новак “Украин улс ирэх сарын нэгнээс байгалийн хийг 1000 куб метр тутамд 348 ам.доллараар худалдаж авах боломжтой. Бид өвлийн хуваарийн дагуу Украинд 378 ам.доллараар зарж байсан. Гэвч Киев зөвхөн одоогийн ханшийн тухай гомдол гаргаж байна” гэж байсан билээ.
Г.Үжин
Сэтгэгдэл (6)