Монгол Улсын Ерөнийлөгч Х.Баттулга Салхитын мөнгөний ордын хэрэгтэй холбогдуулан нэр бүхий 17 шүүгчийн бүрэн эрхийг түдгэлзүүлсэн билээ. Үүний улмаас Улсын Дээд шүүхийн бүрэлдэхүүн хүрэлцэхүйн улмаас шүүн таслах ажиллагаа тасалдахад хүрээд байсан. Тэгвэл УИХ-ын Хууль зүйн байнгын хорооны өнөөдрийн хуралдаанаар Улсын Дээд шүүхийн шүүгчийн албан тушаалд Болдын Амарбаясгаланг нэр дэвшигчээр танилцуулахаар болжээ.

Тодруулбал,

Монгол Улсын Үндсэн хуулийн 51 зүйлийн 2, Шүүгчийн эрх зүйн байдлын тухай хуулийн 15 дугаар зүйлийн 15.1 дэх хэсэг, Улсын Их Хурлын чуулганы хуралдааны дэгийн тухай хуулийн 41 дүгээр зүйлийн 41.1, 41.2 дахь хэсэгт заасны дагуу Улсын дээд шүүхийн шүүгчийг ийн танилцуулж буй. Нэр дэвшигч Болдын Амарбаясгалан нь 1974 онд Улаанбаатар хотын Сүхбаатар дүүрэгт төрсөн, 43 настай, эрэгтэй. Ганц бие. 

1981-1991 онд Нийслэлийн Баянгол дүүргийн Оросын 2 дугаар дунд сургууль,

1991-1995 онд Монгол Улсын Их Сургуулийн Хууль зүйн сургуульд эрх зүйн бакалавр,

1999 онд Батлан хамгаалахын их сургуулийг Хууль зүйн ухааны магистр,

2013 онд Монгол Улсын Их Сургуулийн Хууль зүйн сургуульд Хууль зүйн ухааны докторын зэргийг тус тус дүүргэсэн байна. Эрх зүйч мэргэжилтэй, хууль зүйн ухааны докторын зэрэгтэй, хуульч цолтой.

1995-1998 онд Монгол Улсын Их Сургуулийн Хууль зүйн сургуульд эрдэм шинжилгээний ажилтан,

1998-2007 онд Монгол Улсын Их Сургуулийн Хууль зүйн сургуульд багш,

2007-2013 онд Монгол Улсын Их Сургуулийн Хууль зүйн сургуульд Ахлах багш,

2013-2017 онд Монгол Улсын Их Сургуулийн Хууль зүйн сургуулийн Сургалтын албаны дарга, 2017 оноос Монгол Улсын Их Сургуулийн Хууль зүйн сургуульд дэд профессороор ажиллаж байгаа аж. 

Нэр дэвшигч Б.Амарбаясгалан шүүгчийн сонгон шалгаруулалтын суурь болон тусгай шалгалтад Шүүхийн мэргэшлийн хорооны нэгдсэн үнэлгээгээр 66.52 оноо авсан бөгөөд Шүүхийн ерөнхий зөвлөлийн болон Монголын хуульчдын холбооны дүгнэлтээр мэргэшил, ур чадвар, нэр хүндийн хувьд Улсын дээд шүүхийн шүүгчээр ажиллах шаардлага хангасан гэж үзсэн байна. 

Г.Нацаг