БАРИМТ 1
Хэнтий аймгийн Өмнөдэлгэр сумын харьяат, Үндэсний бөхийн Аймгийн хурц арслан цолтой бөх.
БАРИМТ 2
1995 оны хоёрдугаар сарын 26-нд мэндэлсэн. 30 настай.
БАРИМТ 3
2014 онд Сумын заан болж, 2015 онд цолоо баталжээ. Одоо тэр Хурц бадрангуй гэж цоллуулах болж байна.
БАРИМТ 4
2019 оны Хэнтий аймгийн баяр наадамд зургаа давж шөвгөрөн "Аймгийн харцага" цол хүртсэн. Улмаар 2020 оны Хэнтий аймгийн баяр наадамд аймгийн арслан З.Наранбаатараар долоо даван түрүүлж "Аймгийн арслан" цол хүртжээ. 2024 оны Говьсүмбэр аймгийн баяр наадамд түрүүлж "хурц" чимэг нэмжээ. Мөн Орхон аймгийн баяр наадамд долоо давж үзүүрлэн эрэмбээ ахиулаад байна.
БАРИМТ 5
183 см өндөр, 130 кг жинтэй.
БАРИМТ 6
"Хан Хэнтийн Аварга" дэвжээ, "Алдар" спорт хороо, ЗХ-014 анги, Юү Эл И ХХК, Бор-Өндөрийн уулын баяжуулах үйлдвэр, Эбэг ХХК-ийн бөх.
БАРИМТ 7
Тэрбээр сумын цолтой бөхчүүдийн барилдаанд гурван удаа 10 давж түрүүлсэн бөх билээ. Мөн нэг удаа үзүүрлэж, олон удаа шөвгөрчээ.
БАРИМТ 8
Тэрбээр улс, аймагт анх удаа түрүүлсэн нь 2024 оны тавдугаар сард болсон Өвөрхангай аймгийн Бат-Өлзий сумын 100 жилийн ойд зориулсан, аймгийн заан Цамбын Бадарчийн нэрэмжит барилдаан юм. Уг барилдаанд Улсын начин Ө.Батзул агсан үзүүрлэсэн юм. Үүний дараагаар Говьсүмбэр аймаг байгуулагдсаны түүхт 30 жил, Боржигин 2024, төвийн бүсийн хурд наадам мөн түрүүлжээ. Гурав дахь түрүү нь өнгөрсөн онд болсон Завхан аймгийн Идэр сумын харьяат, улсын арслан Маамын Лхагвын нэрэмжит барилдаан байв.
БАРИМТ 9
Мөн дөрөв үзүүрлэсэн. Эхнийх нь 2023 оны долдугаар сард Төв аймгийн Мөнгөнморьт сумын 100 жилийн ойд зориулсан, улсын арслан Л.Чимэд, улсын начин Ц.Гочоодорж, улсын начин А.Нагнайдорж нарын нэрэмжит, наадмын сорилго барилдаан байв. Удаах нь өнгөрөгч 10 дугаар сард болсон Булган аймгийн Сайхан сумын 100 жилийн ойд зориулсан, тус сумаас төрөн гарсан аваргуудын нэрэмжит барилдаан бол гурав дахь нэгдүгээр сард болсон "Атар" хэвийн боовны нэрэмжит барилдаан байв. Харин сүүлийнх нь Ардчилсан хувьсгалын 35 жил, Ардчиллын төлөөх намууд нэгдсэний 25 жилийн ойд зориулсан барилдаан билээ.
БАРИМТ 10
Түүний төрсөн нутгаас Дархан аварга Б.Бат-Эрдэнэ, Улсын арслан Э.Оюунболд нар мэндэлжээ.
ЭШЛЭЛ 11
Тэрбээр аймаг, цэрэгт гурав дахь түрүүгээ өнгөрсөн цагаан сарын барилдаанд хүртсэн. Өнгөрсөн хаворын Цэргийн наадам түүний аймаг, цэрэгт хүртсэн дөрөв дэх түрүү болжээ.
ЭШЛЭЛ 12
Тэрбээр Сумын заан байхаасаа Улсын арслан Э.Оюунболдыг дагаж бэлтгэлжсэн.
ЭШЛЭЛ 13
Тэрбээр багадаа сагсанбөмбөг сайн тоглодог байсан учир тэр чиглэлээр тамирчин болохыг мөрөөддөг байжээ.
ЭШЛЭЛ 14
Түүний багын найз нь BCH Knights багийн тоглогч О.Эрдэнэцогт юм.
ЭШЛЭЛ 15
Тэр бол Улсын цолонд ойрхон бөхийн нэгдүгээр нэрлэгдэх хүчтэн.
БАРИМТ 16
Д.Алтанцоожийн Хэнтий аймгаас 65 жилийн төрөн гарч буй Улсын заан цолтон юм.
БАРИМТ 17
Тэрбээр 270-290 кг-д сууж, 300 кг-ыг татдаг.
БАРИМТ 18
Тэрбээр Улсын заан болохдоо гурвын даваанд Улсын гарьд Ж.Бат-Эрдэнийг, дөрвийн даваанд Аймгийн арслан Б.Отгонбаатарыг, тавын даваанд Улсын харцага Г.Бадрахыг, зургаагийн Аймгийн арслан Б.Шаравдоржийг, долоогийн даваанд Улсын заан Д.Хүдэрбулгыг давсан.
БАРИМТ 19
Түүний хамгийн сайн найз нь Улсын харцага Г.Бадрах юм.
БАРИМТ 20
Тэрбээр наймдугаар ангидаа Өмнөдэлгэр сумаасаа Улаанбаатар хотод нүүн иржээ.
БАРИМТ 21
Хотод ирсэн хүү бөхийн сонирхол багатай, сагсанбөмбөгт сонирхолтой байсан.
БАРИМТ 22
Гэвч хувь тавилангийн эрхээр бөхөд дурлаж 2011 оноос Г.Бадрах найзынхаа хамтаар Алдар спорт хороон дээр Ш.Зоригт багшийнхаа удирдлагад очжээ.
БАРИМТ 23
Тэднийх хотод Долоон буудал, Чингэлтэйн эцэст амьдардаг байжээ.
БАРИМТ 24
Түүний шинэ цолны мялаалга наадамд энэ сарын 8-9-ний өдрүүдэд Чингис хотод болох байв. Гэвч түүний аав Г.Даваасүрэн гуай наадмын эхний өдөр бурхан болсноор наадамд тодорхойгүй хугацаанд хойшилсон юм.
