УИХ-ын чуулганаар Өргөн нэвтрүүлгийн тухай хуулийн төслийг батлах эсэхийг хэлэлцэж байна. Чуулганы үеэр УИХ-ын гишүүд ажлын хэсгийнхэнээс асуулт асууж, хариулт авч байна.

Ж.Батзандан: Хэвлэл мэдээллийн хэрэгслээр дамжуулж бусдыг гүтгэдэг, доромжилдог. Хэвлэл мэдээллийн хэрэгслийн хариуцлагыг чангатгах ямар заалт байна вэ. 45-хан минутын кино гаргах гэж дундуур нь баахан реклам гаргадаг. Үүнийг хэрхэн шийдэх бэ?

Ажлын хэсэг: Хэт төвлөрлөөс хамгаалсан заалт бий. Мөн тухайн редакц ёс зүй хэм хэмжээгээ мөрдөх ёстой, зохисгүй агуулгатай мэдээ, мэдээлэл, нэвтрүүлэг зэрэгт тавих заалтыг тусгаж өгсөн.

Б.Ундармаа: Өргөн нэвтрүүлгийн тухай хуулийг дэмжиж байна. Саналуудаа нэгтгэсэн байна. Гэхдээ сангийн хөрөнгөө яаж зохицуулах юм бэ. Төр оролцмооргүй байна. Тухайн байгууллага өөрсдөө хяналтаа тавьж өрсөлдөх боломжтой юу. Иргэд хэлж байна. Орой телевизээ асаагаад л айдас хүйдэс мэдэрч байна. Дандаа сенсаац хөөсөн мэдээ гарч байна гэж байна. Үндэсний өв соёлыг дэмжиж яаж ажиллах юм бэ. Нөгөөтэйгүүр, хүнлэг энэрэнгүй, гэр бүлийн зөв харилцааг харуулсан контентийг түлхүү үйлдвэрлээсэй гэж хүсэж байна.

Ажлын хэсэг: Оролцогч талуудын эрх үүргийг тодорхой заасан. Сангийн асуудлыг гурван чиглэлэээр зарцуулна. Нэгдүгээрт, ард иргэдэд алслагдсан сүлжээ хүрээгүй байгаа газарт хүргэх. Түүх соёлын өв уламжлалыг харуулсан нэтрүүлэгт зэргээр хуваарилна. Төсвөөс санхүүжинэ. Орлого хуваах нь тухайн байгууллагууд өөрсдөө хувааж авна.

Л.Болд: Энэ их чухал хууль. Ажлын хэсгийнхэнтэй уулзсан. ШИНЭ намын зүгээс бодлогоо гаргасан. Зөв хуул болох нь их чухал. Тэгж чадах уу. Ардчилал хаана явааг та бүхэн харах цаг болсон. Нэр хүнд итгэл үнэмшил, хүний эрх хаана байна. Хийгээгүй хэргийнх нь төлөө жүжигчилсэн тоглолт хийгээд нэвтрүүлсэн. Гэтэл хэн ч хөдлөөгүй. Хэвлэлийн эрх чөлөөний амин сүнс телевиз. Гэтэл ямар нөхцөлтэй байна вэ. Бүгд улс төрийн болон явцуу эрх ашиг нөлөөлж байна. Үүнд энэ хууль нөлөөлж, цэвэрлэгээ хийх боломжтой юу. Энгийн нэг сэтгүүлч телевиз байгуулаад ажиллах боломж алга. Уг нь ингэж байж хэвлэлийн салбар тунгалаг байх боломжтой. Захиалагчийн талд үйлчилсээр байвал ардчилал тунгалаг байж чадахгүй ээ.

Ажлын хэсэг: Өргөн нэвтрүүлгийн үйлчилгээ үзүүлэгчийн үүргийг тус хуульд тусгасан. Хүний эрх, эрх чөлөөг дээдлэх ёстой.

Л.Болд: Ийм санаачлагыг би гаргаж байсан. Тодорхой хэвлэлийн байгууллагыг хувиараа дэмждэг байсан. Гэтэл буруу юм билээ. Хэвлэл нь хэвлэлээрээ байхгүй бол бурууддаг юм байна лээ. Санхүүжилт хэрэгтэй бол санхүүжилтийг өг. Барууны улсад улстөрч сайн сэтгүүлч хоёр нэг төвшинд байдаг.

Г.Тэмүүлэн: Өргөн нэвтрүзүлгийн 19 телевиз байдаг. Кабелийн сувгаар үйлчилгээ явуулдаг 60, 70 суваг бий. Гэтэл энэ хуулиар кабелийн телевиз нь орхигдох юм биш үү. Хоёуланд нь үйлчлэх ёстой юм биш үү. Иргэд аль нь өргөн нэвтрүүлгийнх нь, аль нь кабелийнх гэж ялгахгүй шүү дээ. Сүүлийн үед олайн телевиз гарч ирлээ. Тиймээс хариуцлагыг тэнцвэртэй ялгаваргүй болгох ёстой байх аа.

Ажлын хэсэг: Хуулиар өргөн нэвтрүүлгийн үйлчилгээ эрхлэгч гэдэг нь радио, телевиз, олон сувгийн үйлчилгээ эрхлэгчид бүгдээрээ хамаарна гэсэн заалт бий. Бүх үйлчилгээ эрхлэгчид хамаарна гэж ойлгож болно. Кабелийн уваг гэдэг нь арилжааны хэлбэртээ багтдаг. Энэ утгаараа хуулиар үүрэг хүлээнэ.

Г.Нацаг