Засгийн газрын ээлжит хуралдаанаар Элчин сайдуудтай холбоотой асуудлыг хэлэлцэж, зарим шийдвэр гаргажээ. Улмаар Монгол Улсаас Итали улсад суух Онц бөгөөд Бүрэн Эрхэт Элчин сайдаар Гадаад харилцааны дэд сайд Б.Батцэцэгийн нэрийг дэвшүүлэхээр болжээ. Харин Ц.Цэнгэлийг Болгар улсад суух Элчин сайдад нэрийг нь дэвшүүлэхээр болсон байна.
Гадаад харилцааны дэд сайд Б.Батцэцэг нь 2016 оноос уг албан тушаалд томилогдож ажиллаж байгаа нэгэн. Тэрбээр "Мөнхийн үсэг групп” ХХК-ийн Удирдах зөвлөлийн даргаар ажиллаж байгаад Ж.Эрдэнэбатын Засгийн газрын үед уг албан томилогдсон байдаг. Харин Болгарт суух Элчин сайд нэрийг нь дэвшүүлэхээр болсон Ц.Цэнгэл нь Байгаль орчин, аялал жуулчлалын яамны Төрийн нарийн бичгийн даргын албан тушаалаас өөрийн хүсэлтээр чөлөөлөгдөөд байгаа юм. Тэрбээр Засгийн газар, УИХ-ын гишүүнээр ажиллаж байсан туршлагатай.
С.Сүлд
Сэтгэгдэл (14)