Улсын онцгой комиссын хуралдаанаар шинэ төрлийн коронавирустэй холбоотой цаг үеийн нөхцөл байдалтай танилцаж байна. Хуралдаанд Эрүүл мэндийн сайд Д.Сарангэрэл яамнаас хэрэгжүүлж байгаа арга хэмжээний талаар мэдээлэл хийсэн юм. Тэрбээр “Эрсдэл өндөр байгаа учраас халдвар гарсан үед бэлэн байдалтай байх чиглэлээр ажиллаж байна. 1000 гаруй эмч нарт сургалт явуулсан, өрхийн эрүүл мэндийн төв болон бүх шатны эмч нарт шинэ мэдээлэл өгч, эмчилгээний тактикуудын талаар зөвлөмж, мэдээллийг цаг алдалгүй өгч байна. Коронавирусийг илрүүлэх оношлуурыг баталгаажуулаагүй ч Япон улсад үйлдвэрлэгдсэн 200 оношлуурыг авсан, маргааш 500 ширхэг оношлуур Монгол Улсад ирж байна. Эрүүл мэндийн байгууллагын ажилтнуудын аюулгүй байдлыг хангах үүднээс 100 мянган хамгаалах хэрэгсэл, ариутгалын бодис зэрэг шаардлагатай зүйлсийн нэг сарын нөөцийг бэлдсэн. Мөн халдварын үеийн оношлогооны аппарат, амьсгалын аппарат зэрэг нэн шаардлагатай тоног төхөөрөмжийг 4,2 тэрбум төгрөгийг эхнээс нь хийж эхэлж байна” гэв.

Харин ОБЕГ-ЫН Тэргүүн дэд дарга Г.Ариунбуян “Замын-Үүд боомтод ажиллаж байгаа иргэдэд нөхөн олговор олгох, боомт дээрх ариутгалын бодис, тоног төхөөрөмжийн зардлыг нэмэгдүүлэх саналыг гаргасан бөгөөд 3-4 хоногийн нөөцтэй байгаа юм байна. Өмнөговь аймагт шуурхай ажлын хэсэг ажиллуулж, эргүүл хийн ажиллаж байна. Өдөрт дунджаар 60-80 тээвэр хийж байгаа. Хилийн бүсээс 100-180 км зайтай коронавирусийн тохиолдол бүртгэгдсэн учраас урьдчилан сэргийлэх арга хэмжээг үргэлжлүүлэх үүрэг өгсөн” гэснэ юм.

Хуралдааны үеэр Өмнөговь аймгийн удирдлагын зүгээс Гашуун сухайт боомтоор гаргадаг нүүрсний тээвэрлэлтийг гуравдугаар сарын 2-н хүртэл хязгаарлах саналыг Улсын онцгой комисст гаргасныг мөн хэлэлцэж байгаа юм. Хуралдаан үргэлжилж байна.

С.Сүлд