Улсын онцгой комиссын хуралдаанаар шинэ төрлийн коронавирустэй холбоотой цаг үеийн нөхцөл байдалтай танилцаж, улмаар Сар шинийн баярыг тэмдэглэхгүй байх нь зүйтэй гэсэн шийдвэрийг гаргалаа. Мөн Шивээхүрэн, Гашуунсухайтын боомтоор нүүрс экспортлохгүй байхаар шийдвэрлэлээ. 

Улсын онцгой комиссын дарга, Шадар сайд Ө.Энхтүвшин "Өнгөрсөн бямба гарагт Гашуунсухайт боомттой хиллэдэг БНХАУ-ын Халиут хотод коронавирусийн 2 тохиолдол бүртгэгдлээ. Ийм Өмнөговь аймгийн удирдлага, иргэд хилийн боомт хаах санал гаргаж байна. Тиймээс Улсын онцгой комиссоос гуравдугаар сарын 2-ныг хүртэл Гашуунсухайтын боомтыг хаах саналыг холбогдох байгууллагад тавьсан. Цагаан сарыг энэ жил цуцлах талаар холбогдох санал гаргаж байна. Энэ асуудлыг саяхан ҮАБЗ хуралдах үед албаныхан танилцуулсан. Энэ саналыг ҮАБЗ хариуцсан байгууллагад нь хандан шийдвэрлэх арга хэмжээ ав гэсэн чиглэл өглөө" гэсэн юм.

С.Сүлд