Барагтай бол өөрийгөө муулуулах дургүй хүн бол “Сод Монгол” группийн босс Ц.Анандбазар. Цагтаа экс Ерөнхийлөгч Н.Энхбаярын туслахаар ажиллаж явсан. Түүнийг улс төрд ч, бизнесийн талбарт барьцгүй нэгэн гэдэг. Учир нь сонгууль бүрийн өмнө нэр дэвших тойрог хайж бэдрэхдээ нутаг ус, харъяаллаа багагүй солидог гэх. Хамгийн сүүлд, Дорноговиос нэр дэвшихээр хэсэгтээ гүйдэлтэй болсон ч буцаад л Булганд нэр дэвшихээр болсон.
“Эрэг нэг нурж, эр хүн нэг алддаг” гэдэг. Гэхдээ Ц.Анандбазар гэдэг хүн нэгээр тогтохгүй алдаа хийсэн.
Тиймдээ ч аавын хаалга татах дээрээ тулж явсан хүн. Товчхон тайлагнавал, онц хүнд гэмт хэрэгтнүүдтэй бүлэглэж, бусдыг дарамталсан гэх асуудлаар Ганцхудагт хоригдож байв. Мөн онгоцны шатахуун имптлох бизнест монополь эрхтэй “Сод Монгол” групптэй холбоотой асуудалд ороогдож байлаа. Энэ нь зах зээлийн ханшаас давсан үнээр шатахуун нийлүүлдэг гэх асуудал. Оргүй ч биш байх. Эдгээрээс гадна “НИК”-тэй холбоотой асуудалд мөн л холбогдсон, орлогоо нуун дарагдуулсан, иргэдийг саналыг атга гурилаар хуурч авах гэсэн гээд болж бүтэхгүй олон асуудалтай хутгалдаж явсан тэрбээр УИХ-ын сонгуульд Булган аймгаас нэр дэвшихээр горилж буй. Зарим эх сурвалжийн өгүүлснээр түүнийг дөрвөн оронтой тоогоор хэмжигдэх царцаа нүүлгэсэн гэх. Үнэн худлыг мэдэхгүй. Гэхдээ магадлалтай.
Учир нь төрд гарахыг санаархагчдын жагсаалтыг “Сод Монгол”-ын Ц.Анандбазар өнгөлдөг, олон жил ч тууштай зүтгэж явна.
Ингээд түүний хөрөнгө орлогийг хүргэе.
Түүний жилийн орлого нь 336 сая төгрөг, гэр бүлийн орлого нь 60 сая төгрөг. Өөрийнх нь болон гэр бүлийнх гишүүдийн нэр дээр бүртгэлтэй орон сууц, барилга байгууламж байдаггүй бололтой, ТЭГ гэсэн байна.
Гэсэн атлаа 2 ТЭРБУМ 734 сая төгрөгийн хадгаламж, 250 сая төгрөгийн хурдан удмын 10 адуу, үхэр, хонь, ямаатай гэсэн бол 2 ТЭРБУМ сая төгрөгийн хадгаламжтай, “Сод Монгол Групп”, “МэргэВан”, “Алханатрейд”, “ШинэСоёмбо”, “Эс Эм Жи Ойл энд Газ”, “Сайншанд Рефайнери”, “ШТС” , “Бэрс-Дизайн”, “СодМонгол Газ, “Эрдэнэт ОЙЛ” гэсэн компанийн 48-95 хувийг эзэмшдэг гэжээ.
Г.Нацаг
Сэтгэгдэл (8)