Монгол Улсын Ерөнхийлөгчийн найм дахь удаагийн сонгуульд МАН-ын нэр дэвшигч У.Хүрэлсүх илт давуу байдлаар ялалт байгуулж, Монгол улсын 6 дахь ерөнхийлөгчөөр сонгогдох нөхцөл бүрдэж байна. Хуульд зааснаар олонхын санал авсан нэр дэвшигчийг УИХ-аас хууль батлан Ерөнхийлөгчөөр батламжладаг билээ. Монгол Улсын Ерөнхийлөгчийн сонгуульд нэр дэвшигч У.Хүрэлсүх нийт саналын 67.27%-ийг авсан нь өмнөх Ерөнхийлөгчийн сонгуульд ялсан хүмүүсийнхээс илүү өндөр байлаа.
1992 - П.Очирбат /МҮАН, МСДН 57.8%
1997 - Н.Багабанди/МАХН 60.81%
2001 - Н.Багабанди/МАХН 58.13%
2005 - Н. Энхбаяр/МАХН 53.44%
2009 - Ц. Элбэгдорж/АН 51.24%
2013 - Ц. Элбэгдорж/АН 50.23%
2017 - Х. Баттулга /АН 50,61%
2021 - У.Хүрэлсүх/МАН 67.27%
Энэ удаагийн сонгуульд нийт 1.206.858 сонгогч саналаа өгснөөс:
- МАН-аас нэр дэвшигч У.Хүрэлсүх-820.092 санал
- АН-аас нэр дэвшигч С.Эрдэнэ 72.394 санал
- Зөв хүн электорат эвслээс нэр дэвшигч Д.Энхбат 242.692 санал авсан байна.
Монголын ард түмний энэ удаагийн сонголт дэлхий нийтийг хамарсан цар тахлын хүнд үеийг эрсдэл багатай даван туулахыг хүсэж, бодолцож хийсэн шийдвэр байлаа гэхэд хилсдэхгүй. Эх оронч байж цар тахлын үед Засгийн газрыг тэргүүлж ажиллахдаа иргэд, ААН-үүдийг цар тахлын улмаас сөхрөхгүй байх боломж олгосон шийдвэрүүдийг зоригтой гаргаж байсан нь, төр түших туршлагатай, шударга, зарчимч байдал, мөн төрийн нэгдмэл байдлыг чухалчилж үздэг хувь хүнийх нь зарчим нь иргэдийн хүлээлт, хүсэлтэнд яг таг нийцсэн.
У.Хүрэлсүхийн мөрийн хөтөлбөртөө шударга ёс-хариуцлагатай төр, иргэддээ хүртээмжтэй шударга хуваарилалттай эдийн засаг, үндэсний өв соёл – үндэсний үнэт зүйл, үндэсний эв нэгдлийг эрхэмлэн бэхжүүлэх, үндэсний аюулгүи байдал, тусгаар тогтнол, түүх соёл, байгаль орчноо аливаа эрсдэл сорилоос сэргийлэн хамгаална, найрсаг хөрш болон гадаад бодлогын нэгдмэл чанар зэргийг оруулж өгсөн нь бусад нэр дэвшигчдээсээ ялгарч ялалтанд хөтөллөө.
Монголын ард түмний сонголт үеэс үед мэргэн байж, улс эх орныхоо ирээдүй, хойч үеийнхээ төлөө гаргасан шийдвэр байдаг билээ. Монгол хүн баялагтаа эзэн болох болтугай.
