Цагдаагийн ерөнхий газраас үе тэнгийн дээрэлхэлтийн хохирогч болсон хүүхдийн талаар мэдээлэл өглөө. Уг хэргийг 16 настай Б, Г нар үйлдсэн бөгөөд найз охинтой нь мессеж бичсэн гэх шалтгаанаар 16 настай “М”-г бүлэглэн зодож танхайрчээ. Хохирогчид шүүх шинжилгээний үндэсний хүрээлэнгээс шинжээч эмч томилон эрүүл мэндэд ямар хохирол учирсан талаар үзлэг хийж байна. Хэрэгт холбогдсон хүүхдүүдийг Баянгол дүүргийн нэгдүгээр хэлтэст шалгах ажиллагаа үргэлжилнэ. Хохирогч хүүхдэд ямар гэмтэл учирснаас хамаарч хуулийн хариуцлагын эцсийн шийдвэрийг шүүх тогтооно. Одоогийн байдлаар хүүхдийн биед илэрсэн өөрчлөлт байхгүй, нарийн шинжилгээ хийнэ. Тухайн үед хүүхэд зодуулсан гэдгээ ар гэрийхэндээ мэдэгдээгүй байсан ба цахим орчинд тавьсан бичлэгээс ар гэрийнхэн нь мэджээ.
Т.Мөнхжаргал
Сэтгэгдэл (3)