2022 оны хөлбөмбөгийн ДАШТ энэ сарын 20-ны өдөр Катарын нийслэл Доха хотноо албан ёсоор нээлтээ хийх гэж байгаа билээ. Тэмцээнд нийт 32 баг хурд хүч, авхаалж самбаагаа сорин өрсөлдөх гэж байна. Тэгвэл бид тус 32 багийг гол тоглогчдын хамт цувралаар танилцуулж байгаа билээ. Энэ удаа бид та бүхэндээ Нидерланд, Иран, АНУ, Уэльс, Саудын Араб, Мексик, Польшийн багуудыг танилцуулж байна. Өмнөх нийтлэл болох №1, №2 -ыг уншихыг хүсвэл линкээр холбогдоно уу. 

1. Нидерландын шигшээ баг - Багийн гол тоглогч Фрэнки Янг. 1997 онд төрсөн, 25 настай тэрбээр Испанийн Барсалона багт тоглодог. 2018 оноос эхлэн Нидерландын шигшээ багт хүчин зүтгэж, 45 тоглолтод нэг гоол оруулжээ. 

2. Ираны шигшээ баг - Багийн гол тоглогч Сардар Азмун. Тэрбээр Бундеслигийн Байер Леверкузен клуб болон Ираны шигшээ багт довтлогчоор тоглодог. Өдгөө тэр 27 настай.  

3. АНУ-ын шигшээ баг - Багийн гол тоглогч Кристиан Пулисич. Тэрбээр 24 настай бөгөөд Английн Премьер лигийн Челси клуб болон АНУ-ын шигшээ багт довтлогч, хагас хамгаалагчийн байрлалд тоглодог ирээдүйтэй нэгэн. 

4. Уэльсийн шигшээ баг - Багийн гол тоглогч Гарет Бэйл. Тэрбээр энэ жил 33 настай бөгөөд MLS лигийн Лос Анжелес FC багт хүчин зүтгэдэг. Тэрбээр улсынхаа шигшээ багт 2006 оноос тоглож, 108 тоглолтод 40 гоол оруулсан амжилтыг үзүүлээд байна. 

5. Саудын Арабын шигшээ баг - Багийн гол тоглогч Салем Аль-Досари. Тэрбээр 31 настай, Аль-Хилал клуб болон Саудын Арабын шигшээ багт жигүүрийн хамгаалагчаар тоглодог, 31 настай.

6. Мексикийн шигшээ баг - Багийн гол тоглогч Хирвинг Лозано. Өдгөө 27 настай тэрбээр Сери А лигийн Наполи клуб болон Мексикийн шигшээ багт жигүүрийн хамгаалагчаар тоглодог.  

7. Польшийн шигшээ баг - Багийн гол тоглогч бол мэдээж Роберт Левандовски юм. Тэрбээр Испанийн алдарт Барсалона багийн бүрэлдэхүүнд багтдаг бөгөөд 2008 оноос эхлэн Польшийн шигшээ багт тоглож буй. Өдгөө 34 настай түүний хувьд энэ дэлхийн аварга сүүлийнх нь байж мэднэ. 

Л.Сайнаа