Улсын онцгой комиссын хуралдаанаас гаргасан шийдвэрийг танилцуулж байна. Энэ үеэр Эрчим хүчний сайд Б.Чойжилсүрэн мэдээлэл өгч, сэтгүүлчдийн асуултад хариуллаа.

Тэрбээр"Эрчим хүчний салбарын өвөлжилтийн бэлтгэл ажил дууссан. Өвөлд бэлэн болсон. Мөн уул уурхайн асуудал яригдаж байгаа. Тухайлбал, Шарын голын нүүрсний уурхай, Багануурын уурхай, Шивээ овоо гэсэн гурван уурхайд дизель түлшний нөөцгүй болсон. Энэ асуудлыг өнөөдрийн УОК-ын хуралдаанаар хэлэлцэж, улсын нөөцөөс түр гаргуулахаар боллоо. Тасалдуулахгүй аваад явах бололцоо бүрдсэн.

Өвлийн оргил ачааллын үед дулааны асуудал яригдана. Улаанбаатар хотын хувьд 2366 гВт цаг хүчин чадалтай. Холбогдсон нь гурван мянга давчихсан байгаа учир ямар ч нөөцгүй байгаа. 

Тавантолгой түлш компанийн 51 хувь нь Эрдэнэс Монгол компанийн эзэмшилд, 39 хувь нь эрчим хүчний яамны харьяанд байгаа. Бид аргазүйн хувьд зөвлөгөө өгч ажиллаж байна. Тавантолгойн ДЦС-ын тендерийг намайг ажлаа авахаас өмнө хоёр удаа зарласан юм билээ. Хоёр компани орж ирсэн ч бүтэл муутай байсан. Шаардлага хангаагүй. Гурав дахь тендерийг оптекээр явуулах нь бүтэл муутай гэж үзээд өөр санхүүжилтээр шийдвэрлэнэ. Санхүүжилтийн асуудлыг шийдвэрлэсний дараа тендер зарлана.

Харин Эрдэнэбүрэнгийн цахилгаан станц дээр тун удахгүй очиж ажиллахаар төлөвлөсөн. Баян-Өлгий, Ховд, Увс аймгийн засаг дарга нар болон манай яамныхан хамт очиж, газар дээр нь гурван өдөр ажиллана" гэв. 

Д.Батчулуун