Ял эдлүүлэх ажиллагаанд хяналт тавих хэлтсийн ахлах прокурор У.Золжаргал Монгол улсын прокурорын ерөнхий газраас, прокурорын хяналтын ажлын чиг үүрэг тус бүрээр ямар ажил зохион байгуулсан зэрэг үр дүнгийн талаарх мэдээлэл өглөө.

Тэрбээр “Монгол улсын хүрээнд 21 хорих байгууллага, 1 тусгай сургалт хүмүүжлийн байгууллага, 28 цагдан хорих байр, 27 баривчлах байранд хяналт тавих ажиллаж байна. 2022 оны жилийн эцсийн байдлаар хорих ангиудад 6000 гаруй хоригдол ял эдэлсэн. Үүний тав орчим хувь нь эмэгтэй хоригдол. Үүнээс мөн 0,5 хувь нь гадаадын иргэд байна. 

Прокурорын байгууллагаас өнгөрсөн хугацаанд яд эдлүүлэх болон зөрчлийн шийвдэр гүйцэтгэх ажиллагаанд  хяналт тавих чиглэлээр хүний эрх зөрчигдхөөс сэргийлэх, зөрчигдсөн тохиолдолд эрхийг сэрхийг чиглэлээр анхаарж ажиллалаа. Хорих ангиудад насанд хүрээгүй хүүхдүүдийг нийгэмшүүлэх сургалт тасралтгүй явагддаг.

Энэ хууль тогтоомжийн хэрэгжилтээр цөөнгүй зөрчил илэрсэн. Нийгмийн сэтгэлзүйчийн орон тоон дээр мэргэжлийн бус хүн ажиллуулдаг гэх мэт. Эдгээр зөрчлүүдийг арилгуулахаар шүүхийн шийдвэр гүйцэтгэх газарт шаардлага хүргүүлж арга хэмжээг үе шаттай авч явж байгаа” гэв. 

Б.Мичидмаа