Авлигатай тэмцэх газраас нүүрсний гэх хэргийн мөрдөн шалгах үйл ажиллагааны талаар Мөрдөн шалгах хэлтсийн албаны дарга Б.Батбилэг мэдээлэл өглөө. 

Тэрбээр "Нүүрсний гэх хэргийг шалгахаар ажлын хэсэг байгуулагдсан. Ажлын хэсэг одоогийн байдлаар гурван хэргийг дуусгаж, яллах дүгнэлт үйлдүүлэхээр прокурорт шилжүүлсэн. Мөрдөн шалгах ажиллагааны явцад 127 объектод нэгжлэх хийж, хүний бие, эд зүйл, баримт бичигт үзлэг хийх ажиллагааг 246 удаа, гэрчээр 421 хүнээс мэдүүлэг авч, 640 баримт материалд шалгалж хийж, 26 хүнийг хойшлуулашгүй журмаар баримчилж холбогдох шүүхэд танилцуулсан.

Хэргийг шалгах явцад 15 яллагдагчид цагдан хорих, таслан сэргийлэх арга хэмжээ авснаас одоогийн байдлаар долоон хүн цагдан хоригдож байна.

Үүнээс гадна бусад таслан сэргийлэх арга хэмжээ болох хилийн хориг 19 хүнд, албан үүргээс түтгэлзүүлэх арга хэмжээг таван хүнд, хувийн баталгаа авах таслан сэтгийлэх арга хэмжээг 35 хүнд аваал байна.

Мөн эрх бүхий албан тушаалтнууд 13 тэрбум 851 сая 252 мянга 352 төгрөгийн хахууль болгон авсан байж болзошгүй нөхцөл байдал тогтоогдсон.

Мөрдөн шалгах ажиллагааны явцад 81 үл хөдлөх хөрөнгө, 78 орон сууц, оффисийн гурван талбай, 43 тээврийн хэрэгслийн шилжих хөдөлгөөний хязгаарлаж, дөрвөн газар, хоёр хуулийн этгээдийн хувьцаа, 35 иргэн 37 хуулийн этгээдийн арилжааны банкан дахь гүйлгээ, дөрвөн иргэний бондын гүйлгээг хязгаарласан байна. Эх үүсвэрийг шалгах ажиллагаа үргэлжлэн явагдаж байна" гэв. 

Д.Батчулуун