Хуульч, өмгөөлөгч Г.Балжмаа “Эрхэт Монгол”-ын Х.Мандахбаяртай байгуулсан хөдөлмөхийн гэрээний талаар мэдээлэл хийлээ. 

Тэрбээр “Би энэ хүнээс айгаад Төв аймагт хоночихоод ирсэн учраас хоцорсондоо уучлалт хүсье. Би сэтгүүлчдийн эвлэлийн ерөнхийлөгчөөр ажиллаж байсан Х.Мандахбаяр гэдэг хүний талаар мэдээлэл хийхээр ирсэн. Би Х.Мандахбаяр гэдэг хүнтэй 2018 оны гуравдугаар сарын нэгний өдөр гэрээ хийгээд өнөөдрийг хүртэлт ажиллаж байсан хуульч өмгөөдөгч мэргэжилтэй. Энэ хүн анх сэтгүүлчийн эвлэлийн ерөнхийлөгч болсон учраас сэтгүүлчдийг өмгөөлөх өмгөөлөгч хэрэгтэй байна гэсэн. Ингээд өмгөөлөгчдийн холбоон дээр очиж өмгөөлөгчийн шалгалт өгснөөр бид хамтран ажилласан. 

Гэрээгээр би хэвлэл мэдээллийн хэрэгслийн хуулийн төслийг батлуулах ажил дээр хууль зүйн зөвөлгөө өгөх ийм ажил дээр хамтран ажиллах, сэтгүүлчдийг үнэ төлбөргүй өмгөөлөх хуулийн зөвөлгөө өгөх гэсэн үүрэг хүлээсэн. Гуравт, зөрчилийн тухай хуулийн 6.3 дахь гүтгэх гэсэн заалтыг хасуулах ажлыг хамтарч хийнэ гэдэг гэрээ байгуулсан.

Энэ гэрээний дагуу Х.Мандахбаярын зүгээс магистрын төлбөр төлөх, хоёр өрөө байр өгөх, цалин сая таван зуун мянгаас дээш өгнө гэсэн үүрэг хүлээсэн. Энэ хүнд гэрээний үүргээ хүлээхгүй байна гэдэг шаардлагыг удаа дараа тавьж байсан. Ингэж хэлэхээр болоогүй байна, боломжгүй байна, чи намайг ойлгооч ээ гэж хойшлуулсаар байгаад 2022 оны 12 сард гэрээгээ дуусгавар болгоё гэдэг саналыг би тавьсан.

Оны дараа нүүрсний хулгайтай холботой АТГ-аас нэр нь зарлагдсан учраас энэасуудал дээр өмгөөлөгчөөр оролцсон. Энэ хүн өмгөөлөгчөөр ажиллуулж байгаа хэрнээ өмгөөлөгчөөс нууж нотлох баримтыг өгөх асуудал гаргасан. Хоёрдугаарт, миний заавар зөвөлгөөний дагуу хууль зүйн тусламж үзүүл гэдэг шаардлага тавьсан. Би хуулийн хүрээнд өмгөөллийн үйл ажиллагаагаа явуулдаг, ийм байдлаар ажилладаггүй гэсэн маргаанаас үүдэн өнөөдрийн хэвлэлийн бага хурал зарлах дээрээ тулсан.

Би өмгөөлөгч байж өөрөө хохирчихоод сууж байна. Гэрээ гэдэг бол дуртай үедээ өөрчилдөг, хойшлуулдаг ажил биш.

Гуравдугаарт, ажлын байрны дарамт шахалт гэж байдаг. Гэтэл өчигдөр шөнө хаалга тогшоод өрөөгөө сулла гээд, суллаж өгсөн. Тэр хүн намайг ажиллах орчноор хангаагүй. Гоё сайхан амлалтад итгэж цаг хугацаа, боломжоо битгий алдаасай гэж хэлмээр байна. “Эрхэт Монгол” групп маш олон хүнд байр машин амалдаг. Гэхдээ байрны гэрчилгээгээ хүмүүс үнэхээр авч чаддаг юм уу. Ихэвчлэн олон нийтийн нүдэн дээр өгсөн юм аа сүүлд нь өгөхгүй асуудал үүсгээд байдгаа болиоч ээ. Ер нь аль ч салбарт ажиллаж байгаа хүмүүс хараат бусаар бие даан ажиллах боломжтой байх ёстой. Х.Мандахбаяр гэдэг хүн 2020 оны арванхоёрдугаар сард байр өгнө гэсэн өгөөгүй, 2021 оны нэгдүгээр сарын 26-нд нэг зэрэг маш олон хүнд байр, байрны урьдчилгаагаар шагнасан. Би тэр өргөмжлөлөөс ичсэн. Бидний хамтран ажиллах гэрээ нууцлалын зэрэгтэй гэрээ байсан. Гэтэл тэрийг өөрөө олон нийтийн өмнө аль хоёр жилийн өмнө оруулсан. Гэтэл тэр хувийн компианид ажиллаад удаагүй, хамт олонд танигдаж амжаагүй байхад “Эрхэт Монгол”-ын шилдэг ажилтан гэж гардуулсанд нь их ичсэн. Та өөрөө хамтран ажиллах гэрээгээ зөрчсөн шүү. Өнөөдрийн миний ярьсан зүйл дээр худал мэдээлэл тараасан гэж та гомдол гаргах байх. Би худал мэдээлэл тараах, нэр төрд халдах гэдэг асуудлаар сэтгүүлчдийн эвлэлд орж ажиллсанаас хойш ийм маргаанаар 600 гахуй сая төгрөгийг хэрэгсэхгүй болгож шийдүүлсэн байсан. Би өөрийнхөө чадлын хүрэннд хууль зөрчилгүйгээр өөрийнх нь ажилладаг орчинд орчинг нь бүрдүүлж дуу хоолойголо хүргэхийг хүссэн. Үүнээс цааш эмэгтэй ажилчид, залуу өмгөөлөгч нар том том зүйл амалсан хүмүүст битгий хууль зүйн туслалцаа үзүүлж байгаарай, битгий хохироосой гэж хүсэж байна” гэв.

Б.Мичидмаа