БАРИМТ 1
Тэрбээр 1984 оны арванхоёрдугаар сарын 30-нд АНУ-ын Охайо мужийн Акрон хотод мэндэлжээ.
БАРИМТ 2
Тэр 2.06 метр өндөр, 113 кг жинтэй.
БАРИМТ 3
Леброн Жеймс төрөлх хотынхоо Гэгээн Винсент–Санкт Мэригийн ахлах сургуулийг дүүргэжээ.
БАРИМТ 4
Анх NBA-д 2003 оны драфтын тэргүүн сонголтоор Кливлэнд Кавальерс багт нэгдсэн.
БАРИМТ 5
Улмаар 2003-2010 онуудад Кливлэнд Кавальерс багтаа тоглож, 2010-2014 онуудад Маими Хит багт харьяалагдсан. Түүний дараагаар багтаа эргэн ирж, 2018 хүртэл хүчин зүтгэжээ.
БАРИМТ 6
Түүний ээж Глория Мари Жеймсийг төрүүлэхдээ 16-хан настай байв. Харин түүний аав гэмт хэрэгт их холбогддог байсан тул түүнийг ээж нь л өсгөсөн гэдэг.
БАРИМТ 7
Түүний амьдрал амар байсангүй. Тэр ээжийн хамт Акрон хотын үржүүлгийн хорооллоос нүүж, нэн ядуу өрхийн тоонд ч багтаж байжээ. Улмаар ядуу амьдралаас хүүгээ аав шиг нь муу хүн болгохыг хүсээгүй Глория Мари Жеймсийн түүнийг хөлбөмбөгөөр хичээллүүлжээ.
БАРИМТ 8
Улмаар түүнийг есөн настайд ээж нь хөлбөмбөгийн дасгалжуулагч Фрэнк Уолкерын гэрт амьдрахын зөвшөөрсөн гэдэг. Тэрхүү дасгалжуулагч Жеймсийг сагсанбөмбөгт оруулсан гавьяатан юм.
БАРИМТ 9
Жеймс тавдугаар ангиасаа зохион байгуулалттай сагсан бөмбөг тоглож эхэлсэн. Дараа нь тэрбээр Зүүн хойд Охайогийн багаас Сонирхогчдын Атлетикийн Холбооны (AAU) сагсан бөмбөгийн лигт тоглосон.
БАРИМТ 10
Жеймс болон түүний найзууд болох Сиан Коттон, Дру Жойс III , Вилли МакГи нараар ахлуулсан баг орон нутгийн хэмжээндээ олон гайхалтай амжилтыг үзүүлсэн түүхтэй. Тэд өөрсдийгөө “Гайхалтай дөрвөл” хэмээн нэрлэж, ахлах сургуульд хамт тоглоно гэж амлалтыг нэгэндээ өгчээ.
БАРИМТ 11
Тэдний элссэн ахлах сургууль цагаан арьст католик шашинтны сургууль байв. Улмаар сагсанбөмбөгийн багт нь нэгдэж, улиралд нэг ч хожигдолгүйгээр аваргалсан байна.
БАРИМТ 12
Тэрбээр ахлах сургуульдаа мөн л хөлбөмбөг муугүй тоглодог байлаа. Зарим шинжээчид түүнийг Америкийн үндэсний хөлбөмбөгийн лигт шалгарна гэж итгэдэг байв.
БАРИМТ 13
Тэрбээр замналынхаа туршид 1367 тоглолтод оролцож, түүхэн дэх олон дээд амжилтуудыг эвдээд байна.
БАРИМТ 14
Тэрбээр NBA-д 2012, 2013, 2016, 2020 онуудад дөрвөн удаа аваргалсан түүхэн амжилтын эзэн. Леброн дээрх онуудад финалын шилдэг тоглогчоор шалгарч, 2009 , 2010 , 2012 , 2013 онуудад NBA-ийн үнэ цэнэтэй тоглогч болсон. Мөн “Бүх одод”-ын тоглолтын MVP-ээр 2006, 2008, 2018 онуудад шалгарч байв.
БАРИМТ 15
Жеймсийн NBA дахь хамгийн сайн найзууд бол Кармело Энтони , Крис Пол , Хит багийн хуучин анд Дуэйн Уэйд нар юм. Тэд өөрсдийгөө "гадил жимсний завины багийнхан" гэж нэрлэдэг . Багамын арлууд руу хийсэн аялалын үеэр Жеймс Энтониг живж байхад уснаас аварсан гэдэг.
БАРИМТ 16
Леброн Олимпын наадмаас 2008, 2012 онуудад алт, 2004 онд хүрэл медаль хүртсэн. Мөн 2006 оны ФИБА-гийн дэлхийн аварга шалгаруулах тэмцээний хүрэл, 2007 оны FIBA Америкийн аварга шалгаруулах тэмцээний алтан медаль хүртэж, 2012 оны АНУ-ын сагсан бөмбөгийн оны шилдэг эрэгтэй тамирчин болж байсан.
БАРИМТ 17
Тэрбээр Play-Off буюу шигшээ тоглолтод 266 удаа тоглосон нь дээд амжилт билээ.
БАРИМТ 18
Тэрбээр 2008-2022 оны хооронд "More than a Game", "Square Roots: The Story of SpongeBob SquarePants", "Trainwreck", "Smallfoot", "Space Jam: A New Legacy", "Black Ice" зэрэг бүтээлүүдэд дүр бүтээж, ажилласан.
БАРИМТ 19
Тэрбээр ахлах сургуульд байхаасаа өнөөг хүртэл 200 гаруй шагналын эзэн болжээ.
БАРИМТ 20
Замналынхаа хугацаанд хамгийн өндөр оноог дунджилсан нь 2009 оны 35.3 онооны амжилт юм. Харин түүний хамгийн бага оноог дунджилсан улирал нь NBA-д тоглож эхэлсэн эхний улирал байв. Тэрбээр тус улиралд 20.9 оноог дунджилсан.
БАРИМТ 21
Жэймс, Билл Рассел нар бол таван жилийн хугацаанд дөрвөн удаа MVP шагнал хүртсэн цорын ганц тоглогч юм. Мөн тэрбээр оны шилдэг хамгаалагчийн шагналыг хэзээ ч хүртэж үзээгүй гэнэ.
БАРИМТ 22
Зарим шинжээчид түүнийг Финалын тоглолтод илүү амжилт муутай гэж шүүмжилсэн бол зарим нь Жеймс ихэвчлэн сайн тоглодог , харин түүний баг томоохон өрсөлдөөнд амжилтыг доош татдаг гэжээ.
БАРИМТ 23
Жеймс эрүүл мэнддээ маш их хөрөнгө оруулалт хийдэг бөгөөд хувийн тогооч , спортын дасгалжуулагчдын төлбөрийг төлж , нөхөн сэргээх физик эмчилгээнд жилд 1.5 сая доллар зарцуулдаг. Тэрбээр хүнд дасгал сургуулилт, хоолны дэглэмийн дадал зуршилтай тул зарим нь шилдэг тамирчдад тохиромжгүй гэж үздэг. Энэ нь түүний урт хугацааны амжилтын нууц юм. Мөн тэрбээр зүрхний үйл ажиллагаагаа дэмжих зорилгоор шөнө бүр дарс уудаг.
БАРИМТ 24
Жеймс 2013 оны есдүгээр сарын 14-нд Калифорниа мужийн Сан Диего хотод ахлах сургуулиасаа үерхсэн Саванна Жеймстэй гэрлэжээ. Тэд хүү Бронни , Брайс охин Жури нарын хамт амьдардаг. 2015 оны арваннэгдүгээр сард Жеймс Лос Анжелесийн Брентвуд хотод 9350 фут хавтгай дөрвөлжин талбайтай зүүн эргийн маягийн харш худалдаж авсан нь ойролцоогоор 21 сая долларын үнэтэй. Мөн 2017 онд 23 сая доллараар өөр нэг эдлэн, харш худалдаж авчээ.
Сэтгэгдэл (8)