Гурван гишүүний бүрэн эрхийг түдгэлзүүлэх асуудлаар прокурор Г.Эрдэнэбат мэдээлэл өглөө. 

Тэрбээр "Нийгмийг айхтар сүр дуулиантай хэргээр хооллоод эхлэхээр тэр хэрэг зохиомол байдаг. Сүүлийн үед гурван гишүүнийг гэмт хэрэг үйлдсэн тухай шуугиад эхэллээ. Энэ хэрэг хуулийн хүрээнд гэхээсээ илүү улс төрийн захиалгатай гэж бодогдохоор байна. Удахгүй энэ хүмүүсийн шүүх хурлын гадаа ямар эрх ашиг нь хохирсон нь мэдэгдэхгүй хүмүүс жагсах байх. 

Эдгээр гишүүдийн бүрэн эрхийг түтгэлзүүлэх асуудал хуулийн хүрээнд явна гэхээсээ илүү улс төрийн тоглоом хэмээн харж байна. Бүрэн эрхийг нь түтгэлзүүлээгүй дөрвөн гишүүний шүүх хурал явагдаж байгаа. Тэр гишүүдийн бүрэн эрхийг түдгэлзүүлээгүй байж, энэ гурван гишүүн дээр яагаад болохгүй байгаа юм бэ.

Зарим гишүүнийх нь мөрдөн шалгах ажиллагаа дууссан. Одоо юу шалгах гээд бүрэн эрхийг нь түдгэлзүүлэх гээд байгаа юм. Энэ бол улс төрийн асуудал. Улс төрийн намын бүлэг нь гишүүдийн бүрэн эрхийг түдгэлзүүлэх үү, байх уу гээд ярьж байхыг бодоход улс төрийн захиалгатай ажил хэмээн хардаж байна" гэв. 

Д.Батчулуун