Дорноговь аймгийн Сайншанд сумын ...сургуулийн сурагч, 12 настай Д 2023 оны аравдугаар сарын 3-ны өдөр сураггүй алга болсон. Түүнийг Г гэгч этгээд автомашиндаа суулган авч явж, эзгүй газарт аваачин хөнөөсөн хэрэг гарсан. Хэрэг үйлдсэн Г.Гантулгад холбогдох хэргийн гэм буруугийн шүүх хурал өнөөдөр Дорноговь аймаг дахь сум дундын эрүүгийн хэргийн анхан шатны шүүхэд боллоо.

Шүүхээс Г.Гантулгыг бага насны хүүхдийг онц харгис, хэрцгийгээр хөнөөсөн гэм буруутайд тооцож бүх насаар нь хорих ял оноожээ.

Эрүүгийн хуулийн 13.2 дугаар зүйл. Хүн хулгайлах

• 2.1.хүүхэд, жирэмсэн эмэгтэйг мэдсээр байж  үйлдсэн бол хоёр жилээс найман жил хүртэл хугацаагаар хорих ял шийтгэнэ.

12.1 дүгээр зүйл.Хүчиндэх

• 4.Энэ гэмт хэргийг бага насны хүүхдийн эсрэг үйлдсэн; энэ гэмт хэргийн улмаас хохирогч нас барсан бол арван хоёр жилээс хорин таван жил хүртэл хугацаагаар, эсхүл бүх насаар хорих ял шийтгэнэ.

10.1 дүгээр зүйл.Хүнийг алах

• 2.1.онц харгис хэрцгийгээр;
• 2.4.өөр гэмт хэргийг нуун далдлах, хялбарчлах зорилгоор;
• 2.7.хохирогчийн биеэ хамгаалж чадахгүй, жирэмсэн болохыг мэдсээр байж алсан бол арван хоёр жилээс хорин жил хүртэл хугацаагаар, эсхүл бүх насаар нь хорих ял шийтгэнэ гэж заажээ.