Өнөөдөр болох зарим үйл явдлын тоймыг хүргэж байна.
09:30 цагт: Монголын Үндэсний сайн дурынхны чуулган болно.
09:00 цагт: Сүхбаатар дүүргийн Эрүүгийн хэргийн анхан шатны шүүхэд Шадар сайд С.Амарсайхан, н.Ариунтуул нарын гомдлоор сэтгүүлч А.Баярмаад холбогдох хэргийн шүүх хурал болно.
10:00 цагт: Нийслэлийн цагдаагийн удирдах газарт: Нийслэлийн сэтгүүлчдийн нэгдсэн холбоо, ЦЕГ-ын Кибер гэмт хэрэгтэй тэмцэх газар, Харилцаа холбооны зохицуулах хорооноос “Цахим гэмт хэргийн нөхцөл байдал, эрх зүйн орчин, урьдчилан сэргийлэх арга зам” сэдвээр мэдээлнэ.
11:00 цагт: Хайлааст дахь 49-р сургуульд: Чөлөөлөх дайнд Зөвлөлт-Монголын цэргийг командалж байсан БНМАУ-ын Баатар И.А.Плиевын хөшөөний нээлт болно. Нээлтэд ОХУ-ын Элчин сайд оролцож үг хэлнэ.
13:00 цагт: ХААИС-д: “Бэлчээрийн мал аж ахуйн хөгжлийн бодлогыг шинэчлэх асуудал” хурал болно.
14:00-15:00 цагт: МУБИС-ийн номын санд: Боловсролын ерөнхий газар, “Эмнести интернэшнл” байгууллагаас зохион байгуулж буй “Хүний эрхийн үзэл санааг сургалтын хөтөлбөрт тусгах нь” хичээлийн хаалтын үйл ажиллагаа болно.
15:00 цагт: Нийслэлийн шүүхийн байр, “Хишиг” төвийн хойдох 51-р байрны 601 тоотод: Сэтгүүлчдэд зориулсан хүний эрхийн клубын уулзалтыг “Нутгийн шийдэл” ТББ-аас зохион байгуулна.
16:00 цагт: Уран зургийн галерейд: МҮХАҮТ, "SheTrades Mongolia Hub", Голомт банк хамтран зохион байгуулж буй “SheLeads” хүлээн авалтын арга хэмжээ болно.
