2026 оны 4-р сарын 6-нд Valve шинэчилсэн VRS чансаагаа танилцуулж, зуны хамгийн том тэмцээн болох IEM Cologne Major 2026-д оролцох 32 багийг албан ёсоор тодрууллаа. Европоос 17, Америк тивээс 10, Азиас 5 баг оролцохоор болсон бөгөөд багуудыг чансаагаар нь гурван шатанд хуваасан. Хамгийн нэр хүндтэй Stage 3 шатанд дэлхийн шилдэг найман баг шууд урилгаар орж байгаа бөгөөд тэдний дунд Vitality, NAVI, PARIVISION, MOUZ, FURIA зэрэг топ багуудтай хамт Азийг төлөөлөн The MongolZ баг багтсан нь онцлох үйл явдал боллоо. Олон улсын брэнд 1xBet-ийн албан ёсны түнш The MongolZ нь ийнхүү Stage 3-т уригдсан цорын ганц Азийн баг болж, бүс нутгийнхаа ноёрхлыг баталгаажууллаа.

Харин энэ удаагийн шалгаруулалтын хамгийн том сюрприз нь FaZe Clan-ийн уналт байв. Нэгэн цагт дэлхийн аварга болж, олон Major-т тасралтгүй оролцож ирсэн тус баг сүүлийн саруудад оноо цуглуулахын тулд доод түвшний тэмцээнүүдэд хүртэл оролцсон ч хангалттай амжилт үзүүлж чадсангүй. Karrigan-ий удирдсан бүрэлдэхүүн VRS чансаанд огцом унаж, Европт 21-р байрт бичигдсэнээр Major-д оролцох эрхгүй болсон нь сүүлийн жилүүдийн хамгийн том шуугиан болж байна. Үүний зэрэгцээ SINNERS сүүлийн эрхийг маш бага зөрүүгээр авч, харин 3DMAX, Fnatic, Alliance зэрэг багууд тэмцээнээс хасагдлаа.

Азийн бүсэд бол өрсөлдөөн харьцангуй нэг талдаа өрнөж, The MongolZ бусад багуудаас илт тасархай тэргүүлсэн. Жишээлбэл, 2-р байрт орсон TYLOO багтай харьцуулахад онооны зөрүү 400-д хүрсэн нь энэ давамгайллыг илтгэнэ. Ийм формтой байгаа The MongolZ нь зөвхөн оролцогч биш, харин түрүүлэх бодит боломжтой багуудын нэг болж байна. Одоогоор Vitality, The MongolZ, FURIA гурвыг тэмцээний гол фаворитоор нэрлэж байгаа бөгөөд ялангуяа 1xBet-ийн дэмжлэгтэй Монгол багийн тоглолтыг олон улсын фэнүүд өндөр хүлээлттэйгээр ажиглаж байна.

IEM Cologne Major 2026 тэмцээн 6-р сарын 2-нд эхлэх бөгөөд түүнээс өмнө багууд хэд хэдэн том тэмцээнд оролцож формоо шалгана. Энэ хугацаанд зарим багууд илүү хүчирхэг болж, зарим нь формоо алдах магадлалтай тул эцсийн дүгнэлтийг тэмцээн эхлэхэд илүү тодорхой харах боломжтой. Гэсэн хэдий ч одоогийн байдлаар The MongolZ дэлхийн тавцанд гарахад бэлэн, Азийн цахим спортын нэрийг өндөрт өргөх хамгийн том найдвар хэвээр байна.