БАРИМТ 1
Дэлхийн зүрхний өдрийг санаачлах санаа 1990-ээд оны сүүлээр гарч, 1999 онд Дэлхийн зүрхний холбоо (WHF), ДЭМБ-ын дэмжлэгтэйгээр эхэлсэн. Анхны албан ёсны арга хэмжээ 2000 онд зохион байгуулагджээ.
БАРИМТ 2
Анх есдүгээр сарын сүүлийн ням гарагт тэмдэглэдэг байсан. Харин 2011 оноос 9-р сарын 29-нийг тогтмол өдөр болгосон байна.
БАРИМТ 3
ДЭМБ-ын мэдээллээр зүрх судасны өвчин дэлхийд нас баралтын тэргүүлэх шалтгаан хэвээр байна. 2022 онд ойролцоогоор 19.8 сая хүн зүрх судасны өвчнөөр нас барсан нь дэлхийн нийт нас баралтын ойролцоогоор 32% байжээ.
БАРИМТ 4
2022 онд дэлхий даяар ойролцоогоор 19.8 сая хүн зүрх судасны өвчнөөр нас баржээ.
БАРИМТ 5
Зүрх судасны өвчний нас баралтын ихэнх нь зүрхний шигдээс болон харвалттай холбоотой байдаг.
БАРИМТ 6
Насанд хүрсэн хүний зүрх ойролцоогоор өөрийнх нь атгасан гарын хэмжээтэй байдаг.
БАРИМТ 7
Хүний зүрх үр хөврөл бүрэлдэж эхэлснээс хойш ойролцоогоор 3 долоо хоногийн дараа цохилж эхэлдэг.
БАРИМТ 8
Хэрэв хүн 70 насалбал зүрх нь нийтдээ ойролцоогоор 2.5 тэрбум удаа цохилсон байх боломжтой. Өдөр бүр бидний анзааралгүйгээр хийдэг асар том “ажил” гэсэн үг.
БАРИМТ 9
Цусны даралт ихсэлт олон тохиолдолд ямар ч шинж тэмдэггүй байдаг тул тогтмол хэмжүүлэх нь чухал.
БАРИМТ 10
Хэт их давс хэрэглэх нь цусны даралт ихсэх эрсдэлийг нэмэгдүүлдэг.
БАРИМТ 11
Тамхи татах болон дам тамхидалт нь зүрхний өвчин, харвалтын эрсдэлийг нэмэгдүүлдэг.
БАРИМТ 12
Тогтмол биеийн хөдөлгөөн хийх нь зүрх судасны эрүүл мэндэд тустай.
БАРИМТ 13
Агаарын бохирдол нь зүрх судасны өвчний эрсдэлт хүчин зүйлсийн нэг юм.
БАРИМТ 14
Жимс, хүнсний ногоо түлхүү хэрэглэх нь зүрх судасны эрүүл мэндийг дэмждэг.
БАРИМТ 15
Зүрх судасны өвчин зөвхөн ахмад настнуудад бус ямар ч насны хүнд тохиолдож болно.
БАРИМТ 16
Зүрх судасны өвчин ямар ч насныханд тохиолдож болно. Төрөлхийн зүрхний гажиг ч үүнд багтдаг. WHF-ийн 2026 оны тайланд дэлхий даяар жил бүр ойролцоогоор 2.3–2.5 сая нярай төрөлхийн зүрхний гажигтай төрдөг гэж тооцоолжээ.
БАРИМТ 17
Зарим зүрх судасны өвчин ямар ч тодорхой шинж тэмдэггүй удаан хугацаанд үргэлжилж болно.
БАРИМТ 18
Зүрхний эрүүл мэнд нь тархи болон бүх биеийн цусны эргэлтийн эрүүл мэндтэй салшгүй холбоотой.
БАРИМТ 19
Зүрх судасны өвчний нас баралтын дөрөвний гурваас илүү хувь нь бага болон дунд орлоготой орнуудад тохиолддог.
БАРИМТ 20
Тамхинаас гарах, зөв хооллох, хөдөлгөөн хийх зэрэг амьдралын хэв маягийн өөрчлөлтүүд нь эрсдэлийг бууруулахад тусалдаг.
БАРИМТ 21
Өндөр холестерин нь зүрх судасны өвчний эрсдэлийг нэмэгдүүлдэг.
БАРИМТ 22
Өөрийн цусны даралт, холестерин, цусан дахь сахарын түвшнээ мэддэг байх нь зүрхээ хамгаалах чухал алхам юм.
БАРИМТ 23
2000 оны анхны Дэлхийн зүрхний өдрийн уриа “Let it Beat” байсан бөгөөд биеийн идэвхтэй хөдөлгөөнийг зүрхний эрүүл мэндтэй холбон сурталчилж байжээ. Тэр жилийн кампанит ажил Сиднейн Олимпийн наадамтай давхцсан байна.
БАРИМТ 24
2026 оны Дэлхийн зүрхний өдрийн уриа “Don’t miss a beat” буюу “Нэг ч цохилтыг бүү алдаарай” юм.
Сэтгэгдэл (3)