Улаанбаатар хотын Захирагчийн Баянхошуу дахь ажлын албанаас  санаачлан Хотын Ерөнхий менежер Б.Бадрал, холбогдох албаныхныг оролцуулсан жижиг дунд бизнес эрхлэгчидтэй уулзалт зохион байгуулжээ. Уулзалт СХД-ийн 76-р сургуулийн зааланд болж жижиг дунд бизнес эрхэлдэг 63 иргэн оролцсон байна.

Уулзалтын үеэр бизнес эрхлэгчид “Нийслэлийн удирдлагын зүгээс бизнесийн таатай орчин бүрдүүлэн, үндэсний үйлдвэрлэлээ дэмжихэд илүү анхаарч ажиллах хэрэгтэй байна. Жижиг дунд бизнес эрхлэгчид зээлд хамрагдахад их хэцүү. Банкны босго хэтэрхий өндөр байна. Зуны дэлгэр цагт амьдарч буй хороондоо үзэсгэлэн худалдаа гаргах хүсэлт гаргаж байгаагаа илэрхийлсэн юм.

Цаашид энэ мэт уулзалт, хуралд бид ажлаа зохицуулаад боломжоороо оролцоно. Тиймээс бидний сонирхсон сэдвээр мэдээлэл өгөх холбогдох албаныхныг уулзуулж өгөөч” гэсэн хүсэлтийг Хотын Ерөнхий менежерт тавьсан. Энэ уулзалтыг иргэдийн саналын дагуу сард 1 удаа зохион байгуулахаар болж Хотын Ерөнхий менежер оролцож байхаар тогжээ.