Нийслэлийн төсвийн хөрөнгөөр "Ди Вай Кэй Би" ХХК-ийн гүйцэтгэсэн Бөмбөгөрийн гүүрэн гарц ашиглалтанд ороод удаагүй байгаа. Тус гүүрэн гарц нь хөгжлийн бэрхшээлтэй иргэдэд зориулсан цахилгаан шаттай бөгөөд гүүрэн гарцаар ачаалал ихтэй үеэр нэг цагт ойролцоогоор 800 хүн нэвтрэхээр албаныхан тооцоолжээ. Гэтэл шинэ гүүрэн гарцаар хүмүүс гарч төдийлөн заншихгүй, мөн төвөгшөөж байгаа бололтой. Учир нь хүмүүс өмнөх шигээ л  машины урд, хойгуур гүйж зам гарч байгаа нь ажиглагдлаа. Тэгэхээр энэхүү гүүрэн гарц яг л Хархорин захын гүүрэн гарц, эсвэл Сансрын тунелийн уулзварын нүхэн гарц шиг хүнд ашиглагдахгүй зүйл болж хувирах  нь.

Магадгүй эл нүхэн гарц хэтэрхий өндөр, намхан хашлагатай учир хүмүүсийн "сонголт" болж төдийлөн чадахгүй байх магадлалтай юм.