Прокурорын дэргэдэх мөрдөн байцаах албыг АТГ-т харьяанд шилжүүлэхээр болоод байгаа. Тэгвэл энэ талаар УПЕГ ямар байр суурьтай байгааг хүргэж байна. Прокуроруудын үзэж буйгаар "Прокурорын дэргэдэх мөрдөн байцаах албаны шалгадаг хэргийн ердөө 6-8 хувийн хэргийн харьяалал АТГ-руу шилжих боломжтой. Цаана нь байгаа жил тутамд үйлдэгддэг 90 орчим хэргийг өөр ямар нэгэн алба шалгах үндсэндээ боломжгүй  байгаа. Тухайлбал, цагдаагийн байгууллагаар цагдаагийн алба хаагчийн хууль бус үйл ажиллагааг шалгуулахад төвөгтэй. Харин шүүгч, прокурорын хувьд хүний эрх, эрх чөлөөнд халдсан, эрүүдэн шүүсэн гэх мэт гэмт хэргүүдийг үйлдсэн тохиолдолд боломжтой. Тиймээс сонирхолын зөрчлийг илэрхийлэхийн тулд АТГ-ын мөрдөн байцаах алба прокурор, шүүгчийн үйлдсэн авлигын гэмт хэргийг мөрдөн шалгахад Прокурорын байгууллагын зүгээс татгалзаад байх зүйл байхгүй. Гагцхүү Прукрорын дэргэдэх мөрдөн байцаах албаны хэрэг бүртгэгч, мөрдөн байцаагч, бусад хууль сахиулах албаны ажилтнууд өөрсдөө авлигын хэрэг үйлдвэл хэн шалгах вэ гэдэг асуудал байгаа. Хэрвээ энэ асуудлыг зөвөөр зохицуулаад АТГ-ын дэргэдэх мөрдөн шалгах албаны болон бусад албан тушаалтны авлигын хэргийг зохих байгууллагад нь  харьяалуулан шилжүүлвэл илүү ухаалаг шийд болно" гэсэн байр суурьтай байгаа илэрхийлсэн.

Тэгвэл АТГ-аас Прокурорын дэргэдэх мөрдөн байцаах газрыг АТГ-т шилжүүлэхэд ямар ч асуудал байхгүй. АТГ мөрдөн байцаах газрыг өөрсдөдөө нэгтгэвэл хүчин чадал нь нэмэгдэнэ. Мөн АТГ- энэ албыг удирдаад аваад явах бүрэн боломжтой гэх байр суурийг илэрхийлжээ.