Дуучин хүн кинонд тоглоно гэдэг амаргүй. 24tsag.mn  сайт энэ удаа кинонд тоглосон монгол дуучдыг танилцуулж байна. Ингэхэд дараах дуучдаас хэн нь хамгийн үнэмшилтэй жүжиглэсэн бэ?

1.    Хамгийн эхний дуучин бол Төрийн соёрхолт Д.Болд юм. Тэрээр “Би чамд хайртай 2” УСК-нд Мэндээгийн дүрийг бүтээснийг та бүхэн тодхон санаж байгаа байх. Энэ кино тэртээ 1985 онд гарсан “Би чамд хайртай” киноны хоёрдугаар анги болон үзэгчдийн хүртээл болсон юм.

2.    Орос нутгаас амжилтын гараагаа эхлүүлсэн Б.Амархүү дуучин удаах жүжигчнээр тодорч байна. Тэрээр “Татар ажиллагаа” , “Big fish” зэрэг хоёр ч УСК-нд гол дүрийг бүтээж жүжигчдыг ажилгүй болгох дөхсөн авъяаслаг дуучин.

3.    "Татар ажиллагаа" гэж ярьсан дээрээ бас нэгэн дуучныг дурьдахгүй өнгөрч болохгүй нь. "Номин талст" хамтлагийн дуучин Д.Батсүх  Тайванаагийн найз Гялбаагийн дүрийг чадварлаг бүтээсэн.

4.    Гэр бүл зохион ээж болоод удаагүй байгаа дуучин Ч.Цэлмүүн хоёр ч кинонд дүр бүтээжээ. Эхнийх нь мэдээж түүнийг анх дуучин болгосон "Univers best song" нэвтрүүлгийн шилдэг оролцогчдын тоглосон мюзикл кино "Зүрхэнд гэрэлтэх од". Харин удаах нь "Ээжийн дайсан" киноны Аялгуугийн дүр билээ.

5.    Реппер Gee хэд хэдэн кинонд дүр бүтээсэн архаг жүжигчин. Тэрээр “Орлон тоглогч”, "Микроны босс", “Шарталт” зэрэг кинонуудад гол болон туслах дүрийг бүтээж байсан. Түүний гол дүрд нь тоглосон "Микроны босс" кинонд тэрээр автомашинд сонирхолтой баян залуугийн дүрийг бүтээсэн юм.

6.   “Хүний хүүхэд” уран сайхны киноны гол дүрд гавьяат жүжигчин, дуучин Б.Дашдондог тоглосон.

7.      Rokit Bay бол репперүүд дундаа Gee-тэй өрсөлдөхөөр давгүй жүжигчин. Тэрээр мөн л хэд хэдэн кинонд дүр бүтээсэн бөгөөд Лос Анжилес хотод бvтээгдсэн “Маргаашгvй” УСК-ны гол дүрийг бүтээсэн. Кинонд 17-н настай хvvхдийн энгийн амьдралд гарч буй гэнэтийн өөрчлөлт тvvнд хэрхэн нөлөөлж буйг харуулсан аж.

8.  Хэзээнээс ч юм үндсэрхэг үзэл нь уран бүтээлд нь мэдрэгдэж эхэлсэн дуучин Т.Дэлгэрмөрөн инээдмийн кинонд тоголсон билээ. Тэрээр “Шинэ үе” продакшны бүтээл “Доргио долоон эр” кинонд урилгаар тоглосон гэдэг.

9.      Хэзээд өөрийнхөөрөө байж чаддаг дуучин Нара эмэгтэй дуучид дотроос хамгийн олон кинонд тоголсон нь байх. Тэрээр "Цахирмаа" кинонд бараг л супер эмэгтэйн дүрийг бүтээсэн бол  "Зөрлөг" кинонд ижил нэрт Гэрлээгийн дүрийг чамгүй сайн бүтээсэн билээ.

10.   МУГЖ Т.Баясгалан  "Рашаантын 18" кинонд туслах дүр бүтээсэн. Түүний хурц хэлтэй дадлагын эмчийн дүр одоо ч нүдэнд тодхон байдаг нь  түүнийг дүрээ маш сайн бүтээснийг илтгэнэ.

11.  Тайзаа орхих тухай ам нээгээд байгаа дуучин Ану  "Шинэ үе" продакшны бүтээл "Үлгэрийн хайр" УСК-нд туслах дүр бүтээснийг та бүхэн санаж байгаа байх. Тэрээр баян эхнэрийнх нь дагавар охины дүрийг бүтээсэн билээ.
12.  “VOICE” хамтлагийн дуучин Д.Отгонжаргал "Ану хатан" түүхэн уран сайхны киноны гол дүрд тоглосон билээ. Түүний ганц охин И.Мөнгөншагай ч мөн энэ кинонд дүрээ мөнхлөөд амжжээ.

13.  Univers best song-оос төрсөн бас нэгэн дуучин П.Баярцэнгэл өнгөрсөн шинэ жилээр үзэгчдийн хүртээл болсон “Шинэ жилийн адал явдал” кинонд тоглосон. Тэрээр угаас жүжигчний  мэргэжилтэй болохоор энэ кинонд тоглоход түүнд амархан байсан биз.

14.  "Ехтасу "хамтлагийн охид “Шинэ жилийн адал явдал” кинонд туслах дүр бүтээсэн. Анх наймуулаа байсан охид нэг нэгээрээ цөөрсөөр одоо дөрвүүлээ үлдээд байгаа.

15.    "Sista" продакшны бүтээл "Нэг биений хоёр зүрх" уран сайхны кинонд Женни хэмээх дуучин бүсгүйн дүрд дуучин Ц.Хулан  тоглосон.

16.   Хамгийн сүүлд дуучин Чойжоо кинонд тоглосон билээ. Түүнийг “UBS Video Awards 2013”-аас шилдгийн шилдэг клипний эзэн болсноор нь олон хүн андахгүй биз ээ. Тэрээр удахгүй буюу ирэх сарын 14-нд нээлтээ хийх  “Тэртээх ертөнцийн хөгжимчин” гэх хайр дурлалын романтик кинонд дүр бүтээсэн гэнэ. Гэхдээ одоохондоо түүний ямар дүрд тоголсон нь нууц хэвээр байгаа юм.