Баянгол дүүргийн прокурорын газар, тус дүүргийн Цагдаагийн 1, 2 дугаар хэлтэстэй хамтран тус дүүргийн нутаг дэвсгэрт цахим тоглоомын үйл ажиллагаа эрхлэн явуулдаг аж ахуйн нэгжийн эзэдтэй уулзалт зөвлөгөөн зохион байгууллаа. Тус зөвлөгөөнд Баянгол дүүргийн прокурорын газрын хяналтын прокурор П.Зориг, Цагдаагийн 1,2 дугаар хэлтсийн дарга нар, дүүргийн Эрүүл мэндийн нэгдлийн наркалогийн их эмч С.Гандулам, ЕБС-ийн хичээлийн эрхлэгч нар, цахим тоглоомын үйл ажиллагаа эрхлэгч 68 иргэн  оролцсон байна.

Зөвөлгөөнд Монгол Улсын Засгийн газрын 2013 оны 12 дугаар сарын 14-ний өдрийн 410 дугаар тогтоолоор шинэчлэн батласан “Цахим тоглоомын газрын үйл ажиллагааг зохицуулах журам”-ыг танилцуулж, РС тоглоомонд донтох өвчний талаар мэдээлэл хийсэн байна.