2014 оны 1 дүгээр сарын 30-31-нд баруун болон төвийн нутгаар, 2 сарын 1-2-нд зарим газраар цас орно.

Салхи сар шинийн баярын өдрүүдэд ихэнх нутгаар 7-12 м/с, ялангуяа 30-31-нд Алтайн салбар уулс, Говийн аймгуудын нутгаар, 2 сарын 1-2-нд Говь, талын зарим нутгаар 18-20 м/с хүрч цасан болон шороон шуурга шуурна.

Агаарын температур 1 сарын 30-31-нд харьцангуй дулаан байх боловч 2 сарын 1-нд баруун болон төвийн нутгаар, 2-ноос бүх нутгаар хүйтний эрч эрс чангарч, Идэр, Тэсийн голын хөндий, Увс нуур, Дархадын хотгороор өдөртөө 25-30 градус шөнөдөө 38-43 градус, Орхон Сэлэнгэ, Хараа, Ерөө, Хэрлэн, Онон, Улз, Халх голын хөндийгөөр өдөртөө 19-24 градус шөнөдөө 30-35 градус, говийн нутгийн өмнөд хэсгээр өдөртөө 6-11 градус шөнөдөө 15-20 градус, бусад нутгаар өдөртөө 13-18 градус шөнөдөө 23-28 градус хүйтэн байх төлөвтэй байна.

Сар шинийн баяраар цасан болон шороон шуурга шуурч, шинийн 2-ноос хүйтний эрч чангарах тул хөдөө гадаа явж золголт хийх гэж буй хүмүүсийг анхаарал болгоомжтой явахыг цаг уурын газраас анхааруулж байна.