Энэ жилийн Цагаан сараар Кёкүшюзан Д.Батбаяр барьсан хөөргөөрөө "бааварлаж", баахан хүний нүдийг хужирлав. Тэрбээр энэ жил их гарын шүрэн хөөргөөр гангарсан бөгөөд түүнд тус бэлгийг Хакүхо М.Даваажаргал өгч байжээ. Энэхүү хөөргийг Япон тэнгисийн шүрээр хийсэн бөгөөд Монголын “Эрийн гурван наадам”-ыг дүрсэлж захиалгаар сийлүүлсэн юм байна.  Тодруулбал, барилдаж буй бөх, давхиж буй морь, харваж буй харваачийн дүрс тус хөөрөгнөөс харагддаг аж.

Төрийн ордонд золголт болох үеэр Д.Батбаярын хөөргийг хүмүүс шагшицгааж хажууд нь дунд гарын хөөрөг барин харьцуулж хүртэл зургаа авахуулсан байх юм. Харин ордны ажилтан охидууд Д.Батбаяртай тамхилах гэж дугаарлан зогсож, сүйд болсон сурагтай.