Монголд 1000 орчим хар тамхи хэрэглэгч байдаг гэсэн албан бус судалгаа бий. Анх удаа хар тамхи хэрэглэж үзсэн 3 хөвгүүн тутмын нэг, 4 охин тутмын нэг нь цаашдаа хар тамхи хэрэглэгч болох эрсдэлтэй байдаг гэсэн судалгааг сэтгэцийн эрүүл мэндийн үндэсний төвийн мэргэжилтнүүд гаргажээ. Тиймээс залуу үеийнхний дунд мансууруулах бодисын хэрэглээ өсч буйг санууллаа. Тогтмол хар тамхи хэрэглэдэг хүн 5 жилээс ихгүй хугацаанд амьдардаг бөгөөд энэ нь ДОХ-оор өвчилсөн хүнээс бага хугацаагаар амьдардаг гэсэн үг юм. Үүнээс сэргийлэхийн тулд аливаа үйлдэлд сэтгэлийн хөөрлөөр хандахгүй байх, хэн нэгэн хүн гэнэтийн санал тавибал үгүй гэж хариулж байхыг мэргэжилтэн сануулж байна. Ер нь дэлхийн бусад оронд мансууруулах бодисоос гаргах төгс эмчилгээ байхгүй, бүх зүйл хувь хүнээс шалтгаална гэдгийг хэлж байсан юм.