Нийслэлийн ИТХ-ын Тэргүүлэгчдийн ээлжит хуралдаан нөгөөдөр болно. Хуралдаанаар Нийслэлийн нийтийн тээврийг хөгжүүлэх сангийн зөвлөлийн бүрэлдэхүүн батлах тухай, Авто худалдааны цогцолбор орон нутгийн өмчит аж ахуйн тооцоот үйлдвэрийн газар байгуулж, дүрмийг батлах тухай, Гэр хорооллын дахин төлөвлөлтийн үйл ажиллагааны журамд нэмэлт өөрчөлт оруулах тухай зэрэг асуудлыг хэлэлцэнэ.
НИТХ-ын 15 дугаар хуралдаанаар “Авто худалдааны цогцолбор”-ын хэсэгчилсэн ерөнхий төлөвлөгөөг батлах тухай, НИТХ-ын хуралдааны дэгд өөрчлөлт оруулах тухай асуудлыг хэлэлцэн шийдвэрлэхээр төлөвлөж байна. Эдгээр асуудлыг НИТХ-ын Тэргүүлэгчид хэлэлцэн дэмжвэл НИТХ-ын 15 дугаар хуралдаанаар хэлэлцэнэ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
