Сүхбаатар, Хэнтий аймагт мал, амьтны гоц өвчин шүлхий гарч хүрээгээ тэлсээр нийслэлийн Багануур, Багахангай, Налайх, Баянзүрх, Хан-Уул, Сонгинохайрхан дүүрэгт орж ирсэн. Тиймээс Улаанбаатар хотод аймаг орон нутгаас мал, махан бүтээгдэхүүн нэвтрэхүүлэхгүй шийдвэрийг нийслэлийн удирдлагууд гаргасан билээ. Гэтэл үүнийг далимдуулж махны ченжүүд махны үнээ нэмэж эхэлсэн байна. Тодруулбал, махны ченжүүд олон нийтэд мэдээлэл хийж, хорио цээрийн дэглэм тогтоохоос өмнө амжиж оруулж ирсэн махныхаа үнийг өсгөнө гэдгээ зарласан юм. Тэдний уг үйлдлийг төрөөс дэмжиж байгаа юм шиг Үйлдвэр, хөдөө аж ахуйн яамны Хүнсний үйлдвэрийн бодлогын хэрэгжилтийг зохицуулах газрын дарга Д.Тунгалаг “Нойтон мах бол тансаг зэрэглэлийн” хэрэглээ гэж хэлэв.

Ерөнхий сайд Н.Алтанхуяг “өндөг тансаг хэрэглээ” гэж ард иргэдээ басамжилж байсан. Гэтэл одоо яамны хурган дарга нь махыг тансаг хэрэглээ болгож орхив. Монголчууд бид махыг өдөр тутам хоолондоо хэрэглэдэг. Олон зуун жил хэрэглэхдээ махыг тансаг хэрэглээ гэж хэзээ ч үзэж байгаагүй. Одоо үнэд орсон учраас тансаг хэрэглээнд орчих вуу. Эсвэл та нар үнийг дийлэхгүй учраас нойтон мах тансаг хэрэглээ гэж доромжлоод байна уу.

Нөөцийн махны компаниуд нь ч мөн адил 15 мянган тонноор нөөцөлсөн махныхаа 500 гаруйхан тонныг нь худалдаанд гаргасан байна. Харин үлдсэн 10 мянгыг нь одоо мах ховор үеэр үнэт оруулж зарах гэнэ.