“Юнивишн” компанийн гурвалсан үйлчилгээ энэ сарын 16-ны өдөр тасарсан нь иргэдийг багагүй бухимдуулаад авлаа. Үүнийг тухайн компаниас "Тоног төхөөрөмж ханган нийлүүлэгч "Ericsson" компанитай хамтран сүлжээний багтаамжаа нэмэгдүүлэх төлөвлөгөөт өргөтгөлийн ажлыг хийх явцад хүндрэл үүссэний улмаас түр доголдсон" гэж тайлбарлаад байгаа. Улмаар хэрэглэгчид Харилцаа холбооны зохицуулах хороонд гомдол гаргаснаар тус хорооноос  “Юнивишн” компанид ямар шалтгааны улмаас тасарсан гэдгээ тайлбарлахыг шаардсан албан бичиг явуулсан байна.  Харин “Юнивишн” компаниа энэ сард багтаж хариу мэдэгдэл өгөхөөр болжээ. Гагцхүү хариу ирсэнийх нь дараа Харилцаа холбоо зохицуулах хорооноос тус компанид арга хэмжээ авахаар төлөвлөж байгаа аж. “

Юутай ч “Юнивишн” компанийн эсрэг гомдол Харилцаа холбооны зохицуулах хороонд ирсээр байгаа гэнэ.