Нийслэл хотын хэмжээнд дээрэм, булаалт, залилан, орон байрны хулгай, орон сууцны  зогсоол дээрээс автомашин болон автомашины  эд ангиуд хулгайд алдагдсан  хэргүүдийн багагүй хувь нь орон байранд, байрны орц , орон сууц орчимд үйлдэгддэг байна. Энэ төрлийн гэмт хэрэг зөрчлүүдээс урьдчилан сэрийлэх,  гэмт хэргийг түргэн шуурхай илрүүлэх, оршин суугч иргэдийн аюулгүй амар тайван амьдрах орчин нөхцөлийг бүрдүүлэх зорилгоор

“Иргэдийн аюулгүй байдлыг хангах нь” төсөл арга хэмжээг цагдаагийн байгууллага санаачлан  дүүрэг хороодын засаг дарга, сууц өмчлөгчдийн холбоо, оршин суугч  иргэдийн дэмжлэг  хамтын ажиллагааны хүрээнд “ Аюулгүй орц” төсөл хэрэгжиж эхлээд байна.

Эхний ээлжинд чингэлтэй дүүргийн 5-р хорооны нутаг дэвсгэрт 23 байрны 55 орцонд  хяналтын камер суурилуулж,   мэргэжлийн харуул хамгаалалтын албадтай гэрээ байгуулан хяналт тавьж  ажиллаж  байна.Чингэлтэй дүүргийн 5-р хорооны нутаг дэвсгэрийн хувьд хотын төвд, үйлдвэрлэл үйлчилгээний газрууд ихтэй эрүүгийн болон хэв журмын нөхцөл байдал хүндрэх хандлагатай газруудын нэг юм. Энэ төсөл хэрэгжиснээр орцонд архидан согтуурах, иргэд гэмт халдах өртөх, гэмт хэргийн гаралт буурсан мэдээлэлтэй байна. Цаашлаад цагдаагийн байгууллага иргэдийн санал санаачлага  хамтын ажиллагаа оршин суугчдийн дэмжлэгтэйгээр байрны гадна орчныг камержуулах, хөршийн холбоог сайжруулах зоилгоор “Сайн хөрш” төсөл арга хэмжээ хэрэгжих юм.  Эдгээр ажлуудыг цогцоор нь шийдэх асуудал хэлэлцэгдэж байна.