Өвөрхангай аймгийн Мэргэжлийн хяналтын газар нь Сумдын Мал амьтан, хорио цээр, чанарын хяналтын улсын байцаагчид, байгаль орчны хяналтын улсын байцаагчдын сургалтыг зохион байгууллаа. Сургалтаар  “2013 оны хяналт шалгалтын үр дүн, 2014 онд дэвшүүлж буй зорилт, тулгамдсан асуудал” гэсэн агуулгын хүрээнд, эрсдэлд суурилсан хяналтыг зөвлөн туслах үйлчилгээ, сургалт, тандалт судалгаа, хяналт шинжилгээний арга хэлбэртэй хослуулан хэрэгжүүлэх, “Иргэдийг эрүүл, аюулгүй, тав тухтай орчинд ажиллаж, амьдарч, сурч боловсрох нөхцлийг бүрдүүлнэ” гэсэн байгууллагын 2014 оны зорилтод тулгуурласан мэдээ мэдээллийг өгсөн. Мөн “Төрийн албан хаагчийн манлайлал”, “Төрийн албан хаагчийн ёс зүй, төлөвшил” сэдвүүдээр лекц уншиж, дугуй ширээний ярилцлага зохион байгууллаа. “Стрессээс өөрийгөө чөлөөлж, өөдрөг амьдрацгаая” уриан доор стресс гэдэг таагүй хүчин зүйлсийн хамааралд өртөхгүй байх ур чадвар, арга ухааныг эзэмших, стресст өртсөнөөр ямар хор уршиг, үр дагавар учрах тухай мэдээллийг бэлтгэн хүргэлээ.

Аймгийн Мэргэжлийн хяналтын газраас 2014 онд хамтран ажиллах “Үр дүнгийн нэмэлт гэрээ”-г  Мэргэжлийн хяналтын газрын дарга, улсын байцаагч, сумын ЗДТГ-ын дарга нар байгууллаа. Уг гурвалсан гэрээнд нийт 6 ажил үйлчилгээг хэрэгжүүлэхээр тусгасан бөгөөд  2014 оны жилийн эцэст улсын байцаагчдын ажлыг аймгийн Мэргэжлийн хяналтын газар, сумдын ЗДТГ-тай  хамтран дүгнэж, үр дүнг тооцож байхаар тогтлоо.