Монголын хошин урлагийн нэрт мастер МУГЖ Б.Батзаяа гадаадад эмчилгээ хийлгэх шаардлагатай болжээ. Тэрээр БНСУ-д зүрхний мэс засал хийлгэхээр болсон бөгөөд одоогоор түүний биеийн байдал хүнд байнгын эмчийн хяналтанд байгаа юм.

Тиймээс хошин урлагынхан түүний эмчилгээний зардалд зориулсан хандивын тоглолтыг хийхээр болсон байна. Тоглолтод “Маск”, “Шинэ үе”, “Х Түц” “Шилдэг өнгө”, “Мөрөөдлийн театр”, “Эмоци” зэрэг хошин урлагийн хамтлагуудаас гадна МУГЖ Д.Сосорбарам, Л.Чаминчулуун, Г.Жагдаг, Б.Туяа нарын  ахмад үеийнхэн өөрсдийн уран бүтээлийн дээжээс толилуулах юм байна.

Тоглолт UB паласт маргааш болно. Тус хандивын тоглолтын тасалбар 15, 20 мянган төгрөгийн  үнэтэйгээр худалдаалагдаж байна.