Орхон аймгийн Прокурорын газраас санаачилан  аймгийн Цагдаагийн газрын Хэрэг бүртгэх, мөрдөн байцаах тасагтай хамтарсан зөвлөгөөнийг 2014 оны 02 сарын 28-ны өдөр хийжээ.

Энэхүү зөвлөгөөнд Аймгийн прокурор Ж.Мөнхжаргал, Цагдаагийн газрын дарга, хурандаа Б.Даваазул болон нийт прокурор, хэрэг бүртгэгч, мөрдөн байцаагч нар оролцсон байна.

Зөвлөгөөнөөр Мөрдөн шалгах ажиллагаа, түүнд тавих прокурорын хяналтын чиглэлээр 2013 онд хийсэн ажил, түүний чанар үр дүнг 2012 онтой харьцуулан дүгнэж, 2014 онд УЕП-ын газраас дэвшүүлсэн бодлого, зорилт, хяналтын ажлын чиглэлээр цаашид авч хэрэгжүүлэх арга хэмжээ, анхаарах асуудлуудын талаар мэдээлэл хийж, харилцан ярилцан, тодорхой шийдвэр гарган биелэлтийг дараагийн нэгдсэн зөвлөгөөн дээр танилцуулан үр дүнг тооцон ажиллахаар шийдвэрлэжээ.

Мөн зөвлөгөөний үеэр прокуророос “Хялбаршуулсан журмаар хэрэг бүртгэлийн ажиллагаа явуулах”, “Эрх бүхий алба хаагчаас явуулж буй хойшлуулшгүй ажиллагаа”, “Гэмт хэргийн талаархи гомдол мэдээллийг хүлээн авах, хувиарлах ажиллагаа зэрэг сэдвээр жишээ баримтанд тулгуурлан практик сургалт зохион байгуулсан нь үр дүнтэй болсон байна.