Булган аймгийн прокурорын газраас 2014 оны эхний улиралд багтаж, аймгийнхаа 16 сум, 1 тосгонд хүрч ажилласан ба сумдын удирдлага, тамгын газар, байгууллага аж ахуйн нэгжүүд бүрэн бүрэлдхүүнээрээ хамрагдсанаас гадна 1700 гаруй иргэд прокурорын байгууллагын үйл ажиллагаатай танилцсан байна.

Ийнхүү ажиллахдаа Монгол улсын прокурорын байгууллагын үйл ажиллагаа, бодлого чиглэл, 2011-2016 онд хэрэгжүүлэх үйл ажиллагааны хөтөлбөр, УЕП-ын 2011 оны 1/01 тоот албан даалгаврын хэрэгжилт, үр дүнгийн талаар тодорхой ярьж, улмаар Булган аймгийн прокурорын газраас 2013 онд хийж гүйцэтгэсэн ажлын тайланг тавьжээ.

Мөн сум орон нутгийн хэмжээнд Гэмт хэргээс урьдчилан сэргийлэх ажлыг зохицуулж байгаа байдлыг холбогдох албан тушаалтнуудын үйл ажиллагаанд шалгаж, газар дээр нь заавар, зөвлөгөө, зөвлөмж өгсөн, түүнчлэн Цагдаагийн тасаг, төлөөлөгч нараас гэмт хэргийн тухай гомдол мэдээллийг шалгаж байгаа байдал, хорихоос өөр төрлийн ялаар шийтгүүлсэн ялтан, ялаас хугацааны өмнө тэнсэн суллагдсан, ялыг хойшлуулсан ялтнуудад тавьж буй хяналтыг газар дээр нь үзэж, зааварчлага өгсөн байна.

Түүнчлэн зарим сумдад оройн цагаар иргэдийн дунд хуулийн байгууллагын нэрэмжит  үдэшлэг, караоке дууны тэмцээнүүдийг зохион байгуулсан ба  хууль сурталчлах ажлыг зэрэгцүүлэн явуулсан нь үр дүнтэй ажил болсон байна.