Хууль зүйн яам, Хүчирхийллийн эсрэг үндэсний төвөөс Хууль зүйн үндэсний хүрээлэнд зохион байгуулсан  “Гэр бүлийн хүчирхийллийг таслан зогсоох,  хохирогчийг хамгаалах, үйлчилгээ үзүүлэх чадавхийг бэхжүүлэх нь” сургалтанд Нийслэлийн цагдаагийн газрын Гэр бүлийн хүчирхийлэл, хүүхдийн эсрэг гэмт хэргээс урьдчилан сэргийлэх хэлтсийн нийт 23 алба хаагчид хамрагдлаа.

Сургалтаар Монгол Улсын стандарт “Хохирогчийг хамгаалах байрны үйлчилгээнд тавих нийтлэг шаардлага” /MNS 6040:2009/, хамгаалах байрны үйлчилгээ үзүүлэх арга зүй, хүний эрх, жендэрийн тэгш байдал, хохирогч хамгаалал, гэр бүлийн хүчирхийллийн онцлог, суурь шалтгаан, нөлөөлөгч хүчин зүйлсийн талаар нэгдсэн ойлголт, мэдээллийг өгч, гэр бүлийн хүчирхийллийг таслан зогсоох, хохирогчийг хамгаалах хууль тогтоомжийн хэрэгжилтийг хангах, хамгаалах байранд хөтлөгдөх баримт бичиг судлал,  бусад үйлчилгээнд холбон зуучлах зэрэг гэр бүлийн хүчирхийллийн хохирогчдод үйлчилгээ үзүүлэх үүрэг бүхий алба хаагчдын зайлшгүй мэдэж байх онол арга зүйн мэдлэгийг олгосон болно.