"Хүнсний бүтээгдэхүүн худалдаж авахдаа үйлдвэрлэсэн он сарыг нь заавал харж бай" гэсэн алтан сургааль үеэ өнгөрөөсөн бололтой. Учир юу вэ гэвэл ИРЭЭДҮЙГЭЭС ИРСЭН хүнсний бүтээгдэхүүнүүд хаа сайгүй тааралдах болж.

Тодруулбал сүүлийн үед цахим ертөнцөөр тухайн худалдан авсан өдрөөсөө багадаа л нэг өдрөөр түрүүлж бичигдсэн он сартай талх, гурил, тараг, торт зэрэг хүнсний бүтээгдэхүүний зураг ихээр нийтлэгджээ. Хамгийн сүүлд "Жүр үр" бэйкеригээс авсан торт хоёр өдрөөр түрүүлж бичигдсэн байсаныг хэрэглэгчид цахим сүлжээгээр тараасан байна.

Хүнсний үйлдвэрүүдийн бүтээгдэхүүнээ борлуулах гэсэн энэхүү заль хэрэглэгчдийг хууран мэхэлсэн үйлдэл юм. Инээдтэй ч юм шиг эгдүүцмээр ч юм шиг энэ үйлдлийг ШӨХТГ болон холбогдох албаныхан анхааралдаа авна биз ээ.

Ингээд цахим сүлжээгээр тарсан зарим зургуудыг дор нийтэллээ.