Эрүүгийн байцаан шийтгэх хуулийн 172 дугаар зүйлийн 172.3 дахь хэсэгт  гомдол мэдээллийг   шалгах явцад үндэслэлтэй сэжиг  байгаа тохиолдолд  хэрэг бүртгэгч, мөрдөн байцаагч, Авлигатай тэмцэх газар, цагдаагийн  байгууллагын ажилтан эрүүгийн хэрэг үүсгэх эсэхийг  шийдвэрлэхийн тул  хойшлуулшгүй ажиллагаа явуулж болно гэж заасан бол  хуулийн 172 дугаар зүйлийн 172.4 дэх хэсэгт   хэрэг бүртгэгч, мөрдөн байцаагчаас гадна бусад зарим  албан тушаалтнууд хойшлуулшгүй ажиллагаа явуулах  эрхтэй болохыг зохицуулсан байгаа.

Баян-Өлгий аймгийн прокурорын газраас санаачлан  ЭБШ хуулийн 172 дугаар зүйлийн 172.4 дэх хэсэгт хойшлуулшгүй ажиллагаа явуулах эрх бүхий    албан тушаалтнуудыг оролцуулан  “Хойшлуулшгүй ажиллагаа явуулахад анхаарах асуудал” сэдэвт  хамтарсан Зөвлөгөөнийг зохион байгуулан явуулав.

Зөвлөгөөнд  аймгийн  гаалийн газар, Хилийн цэргийн 0165 болон 0285  дугаар ангиудын Хилийн тагнуулын тасаг,  Онцгой байдлын хэлтэс, Шүүхийн  шийдвэр гүйцэтгэх алба зэрэг нийт  32 албан тушаалтнууд  оролцов.

Зөвлөгөөнийг нээж  Аймгийн прокурор Т.Батсүх үг хэлсний дараа орлогч прокурор А.Турдыбек  “Хойшлуулшгүй ажиллагааны тухай ойлголт, гарч буй зөрчил дутагдал”  хяналтын прокурор Х.Өрен “Үзлэг хийх үндэслэл,журам”,  хяналтын прокурор Б.Ботакөз  “Нэгжлэг хийх үндэслэл,   журам,  эд хөрөнгө битүүмжлэх ажиллагаа”   хяналтын прокурор Т.Серикжан  “Хойшуулшгүй ажиллагаа явуулахад хэрэглэгдэх зарим нэр  томьёоны тайлбар” зэрэг сэдвүүдээр сургалт явуулсан байна.

Сургалтын явцад аймгийн гаалийн газрын “Гарч буй гаалийн хэрэг зөрчил”, хилийн тагнуулын тасгийн “Хил, хил орчимын дэглэмийн хэрэг  зөрчил”  сэдвүүдээр бэлтгэсэн мэдээллийг хэлэлцүүлж, хойшлуулшгүй ажиллагаа явуулахад гарч буй зөрчил, тулгамдсан асуудлын талаар талаар ярилцаж, зарим нэг санал зөрөлдөөнтэй байгаа асуудлуудыг нэг мөр   ойлголттой болгох талаар ярилцаж шйидвэрлэжээ.

Зөвлөгөөнөөс  хойшлуулшгүй ажилагаа явуулах  эрх бүхий албан тушаалтнуудад Зөвлөмж боловсруулан гаргаж мөрдөж ажиллахаар тогтсон байна.