Өнөөдөр болсон Нийслэлийн удирдах ажилтнуудын шуурхай зөвлөгөөний үеэр хотын дарга Э.Бат-Үүл нэгэн сонирхолтой шийдвэр гаргажээ.

Тэрээр “Албан тушаал гэдэг бол ажил хийх багаж болохоос хэн нэгнийг дарамтлах, иргэдийг хохироодог юм биш” гээд аливаа үүрэг даалгаврыг хугацаа алдсан болон биелүүлэхээс зайлсхийж буй удирдах ажилтнуудад сануулах “Шар” хуудас хүргүүлэхээр болсон байна.

Үүгээр ч зогсохгүй сануулах “Шар” хуудас 3 удаа авсан тохиолдолд тухайн удирдах ажилтантай цаашид хамтран ажиллахгүй гэдгээ албан ёсоор мэдэгджээ.