Зүүн аймгуудад шүлхий гарсаны улмаас хөл хорио тогтоогоод байгаа. Тэгвэл үүнтэй холбогдуулан Дорноговь аймгийн Замын-Үүд, Эрдэнэ, Сайншанд, Айраг суманд байрлах Петровисийн салбаруудыг шатахуун түгээхийг хоригложээ.

Шүлхийн хорио тавигдах хүртэл энэ байдал үргэлжлэх бөгөөд иргэд үүнийг зөв хүлээж авах хэрэгтэйг албаныхан санууллаа.

Одоогоор Сүхбаатар, Хэнтий, Дорноговь аймгийн 13 суманд мал амьтны гоц халдварт шүлхий өвчнөөр 3328 үхэр шүлхий өвчнөөр өвчилснөөс бүгдийг нь зориудаар устгаж, дээрх аймгуудын 3 226 248 толгой малд урьдчилсан сэргийлэх вакцин хийжээ. 

Түүнчлэн энэ сарын 6-нд Дорноговь аймгийн Даланжаргалан сумын төвөөс баруун тийш 35 км газарт 5 өрхийн 21 үхэрт шүлхий өвчний шинж тэмдэг шинээр илэрч, тус суманд хорио цээрийн дэглэм тогтоогоод байна. Шүлхий өвчнөөр өвчилсөн малын тоо өнгөрсөн 14 хоногт өдөрт дунджаар 100-110 толгой малаар нэмэгдэж байсан бол өнөөдрийн байдлаар 10-20 толгой мал болж буурах хандлагатай болжээ.