Засгийн газрын харьяа 11-11 төвд өнөөдөр Эдийн засгийн хөгжлийн сайд Н.Батбаяр ажиллаж иргэдийн сонирхсон асуултад хариулт өглөө.

Иргэд ам.долларын төгрөгтэй харилцах ханшийн өсөлтийг бууруулах чиглэлээр Засгийн газар ямар арга хэмжээ авч ажиллаж байгаа, мөн эдийн засаг энэ онд сэргэх үү, үндэсний компаниуд олноороо дампуурлаа зарлаж, гадаадын хөрөнгө оруулалттай компаниуд монгол ажилчдыг цомхотгож байгаа гэдэг нь үнэн үү зэрэг олон асуултад хариулт авчээ. Мөн оюутнуудад сар тутамд 70 мянган төгрөгийн тэтгэлэг олгож байгааг зогсоох цаг болсон, авто машины дугаарыг солиход зориулж олон тэрбум төгрөгийг төсвөөс гаргах нь буруу зэрэг санал бодлоо хэлжээ.