Улаанбаатар хотод хөгжлийн бэрхшээлтэй иргэдэд зориулсан жолооны курс үйл ажиллагаагаа эхлүүлсэн байна. Тодруулбал Дарь-Эх дэх 102 дугаар сургуулийн хажууд “Цаг үргэлж” хоршооны байранд хөгжлийн бэрхшээлтэй иргэдэд зориулсан жолооны курс байгуулагджээ.

Манай улсын замын хөдөлгөөний дүрэмд хөгжлийн бэрхшээлтэй иргэн тусгай тэмдгийг автомашиндаа байрлуулан хөдөлгөөнд оролцох эрхтэй байдаг бөгөөд тухайн тээврийн хэрэгслийг жолоодох зохих ангиллын үнэмлэх болон хөгжлийн бэрхшээлтэй иргэний үнэмлэхийг биедээ заавал авч явах ёстой гэж заасан байдаг.

Сонирхуулахад Нийслэлийн Засаг даргын захирамжаар хөгжлийн бэрхшээлтэй иргэн  НИТХ-аас тогтоосон зарим автозамд улсын дугаарын ялгаваргүйгээр тээврийн хэрэгсэл жолоодон замын хөдөлгөөнд оролцох эрхтэй аж.