Нийслэлийн нутаг дэвсгэрт үйл ажиллагаа явуулж байгаа худалдаа үйлчилгээний газруудад Хэрэглэгчийн эрхийг хамгаалах тухай, Өрсөлдөөний тухай, Зар сурталчилгааны тухай, Төрийн хяналт шалгалтын тухай хууль болон НИТХ-ын Тэргүүлэгчдийн 2014 оны 07 тоот тогтоолоор баталсан “Нийслэлийн худалдаа, үйлчилгээний нийтлэг журам”-ын хэрэгжилтийг хангуулах үүднээс нийслэлийн зургаан дүүргийн худалдаа үйлчилгээний төвүүдээр явж нийтийн үйлчилгээний газруудын бие засах өрөөг үнэ төлбөргүй болгох шаардлага тавьсаны дагуу одоогоор "Өргөө" кино театр, Улсын төв гуравдугаар эмнэлэг, "Номин" плаза, "Билэг" их дэлгүүр болон "Теди" худалдааны төв үнэгүй болгоод байна. Энэ сарын 15-ны өдөр гэхэд ихэнх худалдаа, үйлчилгээний төвүүд бие засах өрөөгөө төлбөргүй болгохоор ажиллаж байгаа бөгөөд төлбөргүй болгосон тухай мэдээгээ тухай бүр ШӨХТГ-т ирүүлэхээ мэдэгдсэн байна. Дээрх газрууд дээр нэмэгдэж ямар ямар аж, ахуй нэгжүүдийн 00 үнэгүй болсоныг танилцуулья.