МАН-ынхан өнөөдөр Эдийн засгийн хүндрэлээс гарах арга замын талаар томоохон хэлэлцүүлгийг Төрийн ордонд хийж байгаа. Тус хэлэлцүүлэгт нэртэй эдийн засагчид илтгэл тавьж байгаа юм. Хамгийн эхэнд МУИС-ийн багш, доктор, эдийн засагч Ч.Хашчулуун илтгэлээ тавьлаа. Тэрбээр тус илтгэлдээ "Энэ засгийн газар 2014 онд томоохон ажлаа эхлүүлж чадаагүй бол 2015, 2016 онд юу ч хийж чадахгүй. Дэлхийн эдийн засгийн  шинжээчид Монголын эдийн засгийг 15 хувийн өсөлттэй байна гэж үзэж байгаа ч энэ боломжийг ашиглах эсэх нь Манай Засгийн бодлогоос шууд хамаарна гэж олон улсад үзэж байна. Найман хувийн орон сууцны зээлийг их олон хүнд өгсөн. Гэвч эдийн засаг унаж, хүмүүс ажилгүй болж зээлээ төлж чадахгүй байна. Ийнхүү банкны салбарт ч чанаргүй зээл өссөн. Энэ нь Ипотекийн зээлтэй холбоотой. Одоогоор Засгийн газар шинээр 16 татвар бий болгох гэж байна. Томоохон компаниуд төслүүдээ зогсоож, ажлын байруудаа цомхотгосон. Тиймээс шинээр ажилд авахаа хүлээх горимд шилжүүлсэн" гэж хэллээ.

Тус хэлэлцүүлэг үргэлжилж байна.