Ер нь соёлын яамдууд болоод соёлын газруудаас мененжментийн гэрээгээр хувьчлагдсан урлагийн салбарууд цөөнгүй байдаг аж. Гагцхүү тэдгээр газрууд "Аса" цирк шиг хувьчлалынхаа гэрээг зөрчсөн үү, гэрээнд зааснаараа явж байгаа юу гэдэг сонин. Тэгвэл энэ асуудалд ШӨХТГ-аас анхаарал тавьж байгаа гэнэ. Тодруулбал, менежментийн хувьчлалаар  хувьчлагдсан соёлын 3-4 газрыг шалгаж байгаа аж. Энэ талаар О.Магнай дарга "Нэгийг нь онилоод нөгөөг нь зүгээр орхихгүй. Бусад хувьчлагдсан газруудыг ч шалгаж байгаа. Удахгүй нэрийг нь зарлана. Цаг нь болоогүй байна. Яагаад гэвэл байгууллагуудын нэр хүндтэй холбоотой асуудал. Зарим нэг менежментийн хувьчлалаар аваад гэрээнийхээ үүргийн дагуу сайн ажиллуулж байгаа хүмүүс ч байгаа. Төрөөс барьж байгаа гол бодлого бол заавал хувьчилсан газраа эргүүлээд авах гэхээсээ илүү үйл ажиллагааг нь засч залруулаад хэвийн болгох юм". гэв