“Аса” цирктэй холбоотой маргаан одоо ч намжаагүй байна. Тэр дундаа Д.Дагвадорж аварга, О.Магнай дарга хоёрын дунд чимээгүй “дайн” дэгдээд байна гэхэд болно. Зарим хүмүүс аваргыг шүүмжилж байгаа бол нөгөө хэсэг нь О.Магнай сонгуулийн сурталчилгаагаа хэдийнэ эхэлж гэж цуурна. Тэгвэл энэ асуудлаар О.Магнай дарга байр сууриа илэрхийллээ. Тэрбээр  “Би 2008 онд СХД-т нэр дэвшиж байсан. Тэрнээс болж намайг 2016 онд СХД-ийн сонгуульд нэр дэвшинэ гэж яриад байж магадгүй. Гэхдээ өнөөдөр сонгууль болоогүй байна. Тэнд энд нэр дэвшинэ гэж хэлэхэд дэндүү эрт байна. Энд циркийн асуудал яригдаж байна. Нэг болохоор СХД-тэй холбоод, эсвэл долдугаар сарын нэгний үйл явдалтай холбоод байж болохгүй шүү дээ” гэв.  Тэгвэл түүний ийнхүү тойруулж хэлсэн үгнээс болж зарим иргэд асуудал дэвшүүлж эхэллээ. Өөрөөр хэлбэл, нэг хэсэг нь нэр дэвших нь тодорхой л байна гэж байхад нөгөө хэсэг нь “тэр үеийн тэнгэр мэдэг” гэж байгаа юм биш үү гэлцэнэ.

Харин уншигч та ямар бодолтой байна?