Бичил бизнес, жижиг дунд үйлдвэрийг дэмжих “Бичил зээлийн сан” байгуулна гэж Хотын дарга Э.Бат-үүл хэллээ. Тус санд зориулж нэг хороонд 100 сая төгрөг байхаар тооцож 15,2 тэрбум төгрөгийг төсөвлөжээ. Одоогоор  зээл олгох журмыг боловсруулж байгаа юм байна.  Ингэснээр бичил бизнес хийх хүсэлтэй ч барьцаа хөрөнгөгүй, суурь мөнгөгүй хүмүүс бизнес эрхлэх боломжтой болж байгаа юм. Одоо цагт банкнаас зээл хүсэхэд  барьцаа хөрөнгө шаарддаг өндөр шалгууртай болсон учир иргэд тэр бүр зээл авч чаддаггүй. Банк бус санхүүгийн байгууллагууд ч мөн адил өндөр шалгууртай байдаг.

Гэтэл нийслэлийн гэр хорооллын иргэдийн 98 хувь нь зээл авах хүсэлтэй  байдаг байна. Харин тэдний 86 хувь зээл авах боломжгүй хүмүүс байдаг аж. Тиймээс Нийслэлийн төсвөөс “Бичил зээлийн сан” байгуулж бизнес эрхэлж, хувиараа хөдлөх хүсэлтэй иргэдээ дэмжихээр болсон нь энэ аж.